ପ୍ରବଳ ବର୍ଷା ସାଙ୍ଗକୁ କୁଆପଥର ମାଡ, ବ୍ୟାପକ ଫସଲ ନଷ୍ଟ

କଳାହାଣ୍ଡି ଜିଲ୍ଲା ବିଭିନ୍ନ ସ୍ଥାନରେ ପ୍ରବଳ ବର୍ଷା ସାଙ୍ଗକୁ କୁଆପଥର ବର୍ଷା । ବ୍ୟାପକ ଫସଲ ନଷ୍ଟ, କ୍ଷତିପୂରଣ ଦାବି । ଅଧିକ ପଢନ୍ତୁ

ଭବାନୀପାଟଣା: କଳାହାଣ୍ଡି ଜିଲ୍ଲାର ଭବାନୀପାଟଣା, କେସିଙ୍ଗା, ମଦନପୁର ରାମପୁର ଆଦି ବ୍ଳକର ବିଭିନ୍ନ ସ୍ଥାନରେ ପ୍ରବଳ ବର୍ଷା ସାଙ୍ଗକୁ କୁଆପଥର ବର୍ଷା ହୋଇଛି । କୁଆପଥର ମାଡ଼ ହେବା କାରଣରୁ ଅନେକ ଚାଷ ନଷ୍ଟ ହୋଇଥିବା ଦେଖିବାକୁ ମିଳିଛି ।

ଭବାନୀପାଟଣା ବ୍ଲକର ତୁର୍କେଲ ଗାଁରେ ଚାଷୀଙ୍କ ମୁଗ, ବିରି, କାନ୍ଦୁଲ ଆଦି ଡ଼ାଲି ଜାତୀୟ ଫସଲ ବ୍ୟାପକ ମାତ୍ରାରେ ନଷ୍ଟ ହୋଇଥିବା ଦେଖିବାକୁ ମିଳିଛି ।ସେହିପରି ମଦନପୁର ରାମପୁର ଓ କେସିଙ୍ଗା ଅଞ୍ଚଳରେ ମଧ୍ୟ ଚାଷୀଙ୍କ ବ୍ୟାପକ ପନିପରିବା ଚାଷ ନଷ୍ଟ ହୋଇଥିବା ଅଭିଯୋଗ କରିଛନ୍ତି ଚାଷୀ । ଯାହାକୁ ନେଇ ସ୍ଥାନୀୟ ଚାଷୀ ଚିନ୍ତାରେ ପଡିଛନ୍ତି । ତେବେ ଚାଷୀଙ୍କୁ କ୍ଷତିପୂରଣ ଯୋଗାଇ ଦେବା ପାଇଁ ସାଧାରଣରେ ଦାବି ହୋଇଛି ।

କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ