କଳାହାଣ୍ଡି: ରାଜ୍ୟରେ ଜାରି ରହିଛି ପ୍ରଚଣ୍ଡ ଗ୍ରୀଷ୍ମ ପ୍ରବାହ। ପ୍ରଚଣ୍ଡ ରୌଦ୍ର ତାପରେ ସିଝୁଛନ୍ତି ଜୀବଜଗତ। ଝାଞ୍ଜି ପବନ ସାଙ୍ଗକୁ ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ । ସେପଟେ ଯେପରି ତତଲା କଡେଇରେ ଭାଜି ହେଉଛି କଳାହାଣ୍ଡି। ସହରର ତାପମାତ୍ରା ଏବେ ୪୦ ଡିଗ୍ରୀରୁ ଅଧିକ ।
ମୁଣ୍ଡ ଫଟା ଖରାସାଙ୍ଗକୁ ତାପମାତ୍ରାର ଅହେତୁକ ବୃଦ୍ଧି ଓ ବିଜୁଳି କାଟରେ ହନ୍ତସନ୍ତ ଜିଲ୍ଲାବାସୀ । ସକାଳ ହେଲେ ଲୋକଙ୍କ ଚିନ୍ତା ବଢୁଛି । ଯେଉଁମାନଙ୍କ କାମ ଅଛି ସେମାନେ ଛତା, ଟୋପି, କଳାଚଷମା କିମ୍ୱା ମୁଣ୍ଡରେ ଗାମୁଛା ପକାଇ ଖରାକୁ ବାହାରୁଛନ୍ତି । ଦିନ ୧୦ ଟାରୁ ୫ଟା ପର୍ଯ୍ୟନ୍ତ ଜିଲ୍ଲାରେ ଅଧିକାଂଶ ଦୋକାନ ବଜାର ବନ୍ଦ ରହୁଥିବାବେଳେ ରାସ୍ତାଘାଟ ଶୂନଶାନ ହୋଇଯାଉଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି