ଭବାନୀପାଟଣା: ବରଗଡ଼ ବରିଗୁମା ଜାତୀୟ ରାଜପଥକଡ଼ରୁ ଉଦ୍ଧାର କରାଯାଇଛି ସାମ୍ବାଦିକ ଦୁଷ୍ମନ୍ତ ନାଏକଙ୍କ ପୁଅର ଝୁଲନ୍ତା ମୃତଦେହ । ଏନେଇ ପରିବାର ପକ୍ଷରୁ ଥାନାରେ କରାଯାଇଛି ହତ୍ୟା ଅଭିଯୋଗ । ସୂଚନାନୁସାରେ ମୃତ ଯୁବକଙ୍କ ବାପାଙ୍କ ଅଭିଯୋଗ ଅନୁଯାୟୀ ତାଙ୍କ ପୁଅ ଅକ୍ଷୟ ନାଏକ ପାଖକୁ ମାର୍ଚ୍ଚ ୧୨ ତାରିଖ ଦିନ ସକାଳ ୧୦ଟାରେ ଏକ ଫୋନକଲ ଆସିଥିଲା। ଏହାପରେ ସେ ବାଇକ ଯୋଗେ ଘରୁ ବାହାରି ଯାଇଥିଲେ। ହେଲେ ଆଉ ଘରକୁ ଫେରିନଥିଲେ । ପରିବାର ଲୋକେ ଫୋନରେ ଯୋଗାଯୋଗ କରିଥିଲେ ମଧ୍ୟ ଫୋନ ଲାଗିନଥିଲା । ୧୫ ତାରିଖ ଦିନ ସକାଳୁ ସଦର ଥାନା ଅନ୍ତର୍ଗତ ସିଂଝରଣ ନିକଟରେ ଯୁବକଙ୍କ ଝୁଲନ୍ତା ମୃତଦେହ ଦେଖି ଲୋକେ ପୋଲିସକୁ ଖବର ଦେଇଥିଲେ । ମୃତଦେହ ନିକଟରେ ବାଇକ ପଡି ରହିଥିବାବେଳେ ବାଇକ ନମ୍ବରରୁ ଏହା ଅକ୍ଷୟଙ୍କ ବାଇକ ବୋଲି ପୋଲିସ ଜାଣିବାକୁ ପାଇ ଅକ୍ଷୟଙ୍କ ପରିବାରକୁ ଖବର ଦେଇଥିଲା।
ଝୁଲନ୍ତା ମୃତଦେହ ଉଦ୍ଧାର ଘଟଣା