କଳାହାଣ୍ଡି: ଆସନ୍ନ ଅଘଟଣରୁ ଅଳ୍ପକେ ବର୍ତ୍ତିଲା ଯାତ୍ରୀବାହି ବସ୍ । କଳାହାଣ୍ଡି ଜିଲ୍ଲା କୋକସରା ଦେଇ ଯାଇଥିବା ଜାତୀୟ ରାଜପଥ-୨୬ର ପେଟ୍ରୋଲ ପମ୍ପ ନିକଟସ୍ଥ ବୁଲାଣିରେ ଘଟିଛି ଦୁର୍ଘଟଣା । ତେବେ ସମସ୍ତ ଯାତ୍ରୀମାନେ ସୁରକ୍ଷିତ ଥିବା ଜଣା ପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ସୂଚନା ଅନୁଯାୟୀ, ବସଟି ରାଉରକେଲାରୁ ଜୟପୁର ଅଭିମୁଖେ ଯାଉଥିଲା । ତେବେ କେନାଲ ନିର୍ମାଣ ପାଇଁ ସେହି ରାସ୍ତାକୁ ଏଲଏନଟି କମ୍ପାନି ପକ୍ଷରୁ ଖୋଳା ଯାଇଥିଲା । ମାତ୍ର ବୁଳାଣି ଯୋଗୁଁ ଡ୍ରାଇଭର ଜାଣିନପାରି ବସକୁ ନେଇ କେନାଲ ପାଇଁଁ ଗାତ ଖୋଳା ଯାଇଥିବା ପାଖରେ ବ୍ରେକ କରିବାରୁ ବସଟି ସୈାଭାଗ୍ୟବଶତଃ ଅଟକି ଯାଇଥିଲା । ବସର ସମ୍ମୁଖ ଭାଗ କେନାଲ ଭିତରକୁ ଝୁଲି ରହିଥିବା ବେଳେ ଜେସିବି ସହାୟତାରେ ଯାତ୍ରୀଙ୍କୁ ବାହାରକୁ ବାହାର କରାଯାଇଛି ।