ଭବାନୀପାଟଣା: ଚାଷଜମିରେ କାମ କରିବା ସମୟରେ ବଜ୍ରାଘାତ । ଅଘଟଣରେ ୪ ମହିଳା ଚାଷୀ ଗୁରୁତର ହୋଇଥିବା ସୂଚନା । ତେବେ ବଜ୍ରାଘାତର ଶିକାର ହୋଇଥିବା ସମସ୍ତ ୪ ମହିଳାଙ୍କୁ ସଙ୍କଟାପନ୍ନ ଅବସ୍ଥାରେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ଜଣାପଡିଛି ।
ସୂଚନା ଅନୁସାରେ, କଳାହାଣ୍ଡି ଜିଲ୍ଲା ସଦର ଥାନା ଅନ୍ତର୍ଗତ ଫଟାପଡା ଗ୍ରାମର ୪ ଜଣ ମହିଳା ଚାଷୀ ବିଲରେ କାମ କରୁଥିବା ସମୟରେ ପ୍ରବଳ ବର୍ଷା ସହ ଘଡଘଡି ହୋଇଥିଲା । ଏହି ସମୟରେ ବଜ୍ରାଘାତ ଘଟିବାରୁ ୪ ଜଣ ଗୁରୁତର ହୋଇଥିଲେ । ସେମାନଙ୍କ ଅବସ୍ଥା ସଙ୍କଟାପନ୍ନ ରହିଥିବା ବେଳେ ନିକଟ ଚାଷଜମିରେ କାମ କରୁଥିବା ଲୋକେ ସେମାନଙ୍କୁ ଉଦ୍ଧାର କରି ଗ୍ରାମକୁ ଆଣିଥିଲେ ।