ଭବାନୀପାଟଣା: ଜଙ୍ଗଲ ନଷ୍ଟ କରୁଥିବା ଅଭିଯୋଗରେ ୨୦ ଜଣ ଅଭିଯୁକ୍ତଙ୍କୁ ଗିରଫ କରିଛି ବନ ବିଭାଗ । ଏଭଳି ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲାରେ । ସୂଚନାନୁସାରେ କଳାହାଣ୍ଡି ନବରଙ୍ଗପୁର ଜିଲ୍ଲା ସୀମାନ୍ତ ସାହାଜଖୋଲ ସଂରକ୍ଷିତ ଜଙ୍ଗଲରେ କିଛି ଲୋକ ଜଙ୍ଗଲ ମଧ୍ୟରେ ଥିବା ଅନେକ ମୂଲ୍ୟବାନ ଗଛ କାଟି ଚୋରାଚାଲାଣ ସହ ଜଙ୍ଗଲ ମଧ୍ୟରେ ପୋଡୁ ଚାଷ କରୁଥିବା ନେଇ ପୂର୍ବରୁ ବନ ବିଭାଗ ନିକଟରେ ଅନେକ ସମୟରେ ଅଭିଯୋଗ ହୋଇ ଆସୁଥିଲା।
ଆଉ ଏହି ଘଟଣାରେ ଆଜି (ଶନିବାର) କିଛି ଦୁର୍ବୃର୍ତ୍ତ ଗଛ କାଟି ଚୋରା ଚାଲାଣ କରୁଥିବା ନେଇ ବନ ବିଭାଗ ବିଶ୍ବସ୍ତ ସୂତରୁ ଖବର ପାଇ ଜଙ୍ଗଲରେ ଚଢ଼ାଉ କରିବା ସହ ୨୦ ଜଣ ଅଭିଯୁକ୍ତଙ୍କୁ ଗିରଫ କରିଥିବା ଜଣାପଡିଛି ।