ଏକତରଫା ପ୍ରେମରୁ ଉନ୍ମତକାଣ୍ଡ, ପାଣି ଟାଙ୍କିରେ ଚଢି ଆତ୍ମହତ୍ୟା ଉଦ୍ୟମ କଲା ପ୍ରେମିକ

ପ୍ରେମିକାକୁ ପାଇବା ପାଇଁ ପ୍ରେମିକ କଲା ପାଗଳାମୀ । ଶେଷରେ ଜୀବନ ହାରିବାକୁ ପହଞ୍ଚି ଗଲା ଓଭର୍ ହେଡ ଟାଙ୍କି ଉପରକୁ । ଅଧିକ ପଢନ୍ତୁ...

ଭବାନୀପାଟଣା: ପ୍ରେମିକର ଉନ୍ମତକାଣ୍ଡ । ପ୍ରେମିକାକୁ ପାଇବା ପାଇଁ ପ୍ରେମିକ କଲା ପାଗଳାମି । ଶେଷରେ ଜୀବନ ହାରିବାକୁ ପହଞ୍ଚିଲା ଓଭର୍ ହେଡ ଟାଙ୍କି ଉପରେ । ଆତ୍ମହତ୍ୟା ଉଦ୍ୟମ କରୁଥିବା ସମୟରେ ଉଦ୍ଧାର କଲା ଅଗ୍ନିଶମ ବିଭାଗ । ଏଭଳି ଏକ ଘଟଣା ଘଟିଛି କଳାହାଣ୍ଡି ଜିଲ୍ଲା ଧର୍ମଗଡ ଥାନା ବ୍ରାହ୍ମଣ ଛେଣ୍ଡିଆ ଗାଁରେ ।

ପ୍ରେମିକ ଜଣଙ୍କ ହେଉଛନ୍ତି ଚିଲିଚିଲା ଗାଁର ସଞ୍ଜୁ ନାଏକ । ସେ ଜଣେ ଯୁବତୀଙ୍କୁ ଏକ ତରଫା ପ୍ରେମ କରୁଥିଲେ । ତେବେ ଯୁବତୀ ଜଣଙ୍କୁ ପାଇବା ପାଇଁ ଯୁବକ ଜଣଙ୍କୁ ଏପରିକାଣ୍ଡ ଘଟାଇଥିବା ଜଣାପଡିଛି । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ପ୍ରେମିକକୁ ଥାନାରେ ଅଟକ ରଖିଛି ।

କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ