ଭବାନୀପାଟଣା:କଳାହାଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟ ଡମ୍ପିଂୟାର୍ଡରେ ଲାଗିଲା ନିଆଁ (Fire incident at Kalahandi District Head Quarter Hospital) । ମେଡିକାଲ ପରିସରରେ ଏହି ଡମ୍ପିଂୟାର୍ଡ ରହିଥିବା ବେଳେ ଏଠାରେ ନିଆଁ ଲାଗିବା ପରେ ରୋଗୀ ହନ୍ତସନ୍ତ ହୋଇଛନ୍ତି । ସେପଟେ ଅଗ୍ନିଶମ ବିଭାଗ ପହଞ୍ଚି ନିଆଁ ଲିଭା କାର୍ଯ୍ୟ ଜାରି ରଖିଛି ।
Fire incident: ଜିଲ୍ଲା ମୁଖ୍ୟ ଚିକିତ୍ସାଳୟ ଡମ୍ପିଂୟାର୍ଡରେ ଲାଗିଲା ନିଆଁ, ରୋଗୀ ହନ୍ତସନ୍ତ
ମେଡ଼ିକାଲ ପରିସରରେ ଡମ୍ପିଂୟାର୍ଡ କରି ବିପଦକୁ ଜିଲ୍ଲା ସ୍ବାସ୍ଥ୍ୟ ବିଭାଗ ହାତ ଠାରି ଡାକିଥିବା ଅଭିଯୋଗ ହୋଇଛି । ମେଡ଼ିକାଲରେ ଥିବା ଯକ୍ଷ୍ମା ୱାର୍ଡ ସମ୍ମୁଖରେ ଡମ୍ପିଂୟାର୍ଡ ଥିବା ଯୋଗୁଁ ରୋଗୀ ନାନା ସମସ୍ୟାର ସମ୍ମୁଖୀନ ହେଉଥିବା ନେଇ ବାରମ୍ବାର ଅଭିଯୋଗ ହେବା ପରେ ମଧ୍ୟ କର୍ଣ୍ଣପାତ କରିନଥିଲେ ଜିଲ୍ଲା ମୁଖ୍ୟ ଚିକିତ୍ସାଳୟ କର୍ତ୍ତୃପକ୍ଷ। ଶେଷରେ ଆଜି କୌଣସି କାରଣରୁ ଡମ୍ପିଂୟାର୍ଡରେ ନିଆଁ ଲାଗି ହୁତୁହୁତୁ ହୋଇ ଜଳି ଯାଉଥିବା ବେଳେ ଖବର ପାଇ ଘଟଣା ସ୍ଥଳରେ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ନିଆଁ ଲିଭା କାର୍ଯ୍ୟ ଆରମ୍ଭ କରିଛି ।