କଳାହାଣ୍ଡି: ଶିକ୍ଷାନୁଷ୍ଠାର ସୁରକ୍ଷା ନେଇ ତତ୍ପର କଳାହାଣ୍ଡି ଅଗ୍ନିଶମ ବିଭାଗ । ବିଭାଗ ପକ୍ଷରୁ ୧୦ ଟି ଟିମ ସହରରେ ପହଞ୍ଚି ବିଭିନ୍ନ ଶିକ୍ଷାନୁଷ୍ଠାନରେ ଛାପା ମାରିଛି । କେତେକ ବେସରକାରୀ ମହାବିଦ୍ୟାଳୟ ଓ କମ୍ପ୍ୟୁଟର ଶିକ୍ଷାନୁଷ୍ଠାନର ଚଢାଉ କରିଥିବା ବେଳେ ଅଗ୍ନି ନିର୍ବାପକ ବ୍ୟବସ୍ଥା ନଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ଗୁଜୁରାଟ ଅଗ୍ନିକାଣ୍ଡ ପରେ ଓଡିଶାର ସମସ୍ତ ଶିକ୍ଷାନୁଷ୍ଠାନରେ ସୁରକ୍ଷା ବ୍ୟବସ୍ଥାର ଚାଲିଛି ଯାଞ୍ଚ ପ୍ରକ୍ରିୟା । ଗୋଟିଏ ପରେ ଗୋଟିଏ ସ୍ଥାନରେ ଅଗ୍ନି ନିର୍ବାପକ ବ୍ୟବସ୍ଥା ନେଇ ଅଗ୍ନିଶମ ବିଭାଗ କରୁଛି ତର୍ଜମା । କେତେକ ସ୍ଥାନରେ ସୁରକ୍ଷା ବ୍ୟବସ୍ଥା ନଥିବା ବେଳେ ପ୍ରତ୍ୟେକ ମହାବିଦ୍ୟାଳୟରେ ଛାତ୍ରଛାତ୍ରୀଙ୍କୁ ଅଗ୍ନି ନିରାପତ୍ତା ଉପରେ ପ୍ରଶିକ୍ଷଣ ଦିଆଯାଉଛି । ଏଥିସହ ଛାତ୍ରଛାତ୍ରୀ ନିଜ ସୁରକ୍ଷା ପାଇଁ ନିଆଁର ମୁକାବିଲା କିପରି କରିବେ ସେ ସମ୍ପର୍କରେ ସେମାନଙ୍କୁ ସଚେତନ ମଧ୍ୟ କରାଯାଇଛି ।