ଭବାନୀପାଟଣା: ରାଜ୍ୟରେ ଭାତହାଣ୍ଡି କଳାହାଣ୍ଡିରେ ହନ୍ତସନ୍ତ ଚାଷୀ । ମଣ୍ଡି ଅବ୍ୟବସ୍ଥା ଓ କଟନୀଛଟନୀକୁ ଚିନ୍ତାରେ ଚାଷୀ । ମଣ୍ଡିରେ ପଡ଼ିରହିଛି ବସ୍ତା ବସ୍ତା ଧାନ । ନା ମିଲର୍ସ ଆସୁଛନ୍ତି ନା ଏଜେଣ୍ଟର ଦେଖାଅଛି । ଖୋଲା ଆକାଶ ତଳେ ପଡି ରହିଛି ସୁନାର ଫସଲ । ଦିନରେ ଖରା ଓ ରାତିରେ ଅସହ୍ୟ ଶୀତରେ ଧାନ ବିକିବା ଆଶାରେ ବସି ରହିଛି ଚାଷୀ । ଖରିଫ ଋତୁରେ ଧାନ ସଂଗ୍ରହ ପ୍ରକ୍ରିୟାରେ ଅବହେଳା ନେଇ ରାଜରାସ୍ତାକୁ ଓହ୍ଲାଇଛନ୍ତି ଚାଷୀ ।
ରାଜରାସ୍ତାକୁ ଓହ୍ଲାଇଲେ ଚାଷୀ, ଅଟକିଲା ଶତାଧିକ ଯାନବାହନ
ଧାନ ସଂଗ୍ରହ ପ୍ରକ୍ରିୟା ପ୍ରଥମ ପର୍ଯ୍ୟାୟରେ ୪୦ ଲକ୍ଷ କ୍ବିଣ୍ଟାଲ ଧାନ ଲକ୍ଷ୍ୟ ରଖିଛି ଜିଲ୍ଲା ଯୋଗାଣ ବିଭାଗ ହେଲେ ଜିଲ୍ଲାର ସମସ୍ତ ଧାନ ମଣ୍ଡିରେ ଦେଖିବାକୁ ମିଳିଛି ଅବ୍ୟବସ୍ଥାର ଚିତ୍ର । ମିଲର୍ସଙ୍କ ମନମାନିରେ ମଣ୍ଡି ଚାଲୁଥିବାବେଳେ ଶୀତ କାକରରେ ଖୋଲା ଆକାଶ ତଳେ ଚାଷୀ ନିଜ ବର୍ଷକର କଷ୍ଟ ଉପାର୍ଜିତ ଧାନ ବିକ୍ରିକୁ ଅନେଇ ବସିଛି । କେବେ ମିଲର ଆସିବ ଆଉ ଧାନ ନେବେ ।