ଭବାନୀପାଟଣା:କଳାହାଣ୍ଡି ସାଂସଦଙ୍କୁ ଅଣ୍ଡା ମାଡ଼। ଶିକ୍ଷୟତ୍ରୀ ମମିତା ମେହେର ହତ୍ୟାକାଣ୍ଡ ଘଟଣା ଏବେ ରାଜନୈତିକ ଟ୍ରମକାର୍ଡ ପାଲଟିଥିବା ବେଳେ ଶାସକ ବିରୋଧୀଙ୍କ ରାଜନୈତିକ ବୟାନବାଜି ଜାରି ରହିଛି। ବିରୋଧୀ ଶାସକ ଦଳକୁ ଘେରିବାରେ ଲାଗିଛି ସେପଟେ ରାଜିନୀତି ପାଣିପାଗ ଏବେ ଜନ ସାଧାରଣଙ୍କ ପାଇଁ ଚଳଚ୍ଚିତ୍ରର ଦୃଶ୍ୟ ପାଲଟିଲାଣି ।
ସାଂସଦଙ୍କୁ ଅଣ୍ଡା ମାଡ଼
ମମିତା ହତ୍ୟାକାଣ୍ଡ ଘଟଣାର ତଦନ୍ତ ବାଟବଣା ହେଉଥିବା ଲୋକେ ଅଭିଯୋଗ କରି ଆସୁଥିବା ବେଳେ କିନ୍ତୁ ରାଜନୈତିକ ରୁଟି ସେକା ଭୁଲୁ ନାହାନ୍ତି ଜନତାଙ୍କ ସେବକ। ଅଞ୍ଚଳର ବିକାଶ କାର୍ଯ୍ୟକୁ ଭୁଲି ରାଜନୀତି ପାଇଁ ନିଜର ଫାଇଦାକୁ ଗୁରୁତ୍ବ ଦେବା ଏବେ ଜନ ସାଧାରଣଙ୍କୁ ଅତିଷ୍ଠ କରିଛି ଯାହାର ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଜିଲ୍ଳାରେ । ମମିତାଙ୍କୁ ନ୍ୟାୟ ଦାବିରେ କଳାହାଣ୍ଡି ସାଂସଦ ବସନ୍ତ ପଣ୍ଡାଙ୍କ ନେତୃତ୍ବରେ ମହାଲିଙ୍ଗ ଠାରୁ ଭବାନୀପାଟଣା ଦୀର୍ଘ ୬୦ କିଲୋମିଟର ଧରି ନ୍ୟାୟ ଯାତ୍ରା ଆୟୋଜନ କରାଯାଇଥିଲା।