ଭବାନୀପାଟଣା :ଦିନକୁ ଦିନ ଜଙ୍ଗଲ କ୍ଷୟ ହେବାରେ ଲାଗିଛି । ଫଳରେ ହାତୀ ଜନବସତି ମୁହାଁ ହେଉଛନ୍ତି ହାତୀ । କଳାହାଣ୍ଡି ଜିଲ୍ଲା ବିଶ୍ୱନାଥପୁର ରେଞ୍ଜ ଅନ୍ତର୍ଗତ ଖିକସାବଟ୍ଟା ଗାଁରେ ହାତୀ ଆକ୍ରମଣରେ ଜଣେ ଗୁରୁତର ହୋଇଥିବା ବେଳେ ଚାଷ ମଧ୍ୟ ନଷ୍ଟ ହୋଇଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ କୋକୁଆଭୟ ସୃଷ୍ଟି ହୋଇଛି ।
ଗଜରାଜ ଆତଙ୍କ : ଚାଷ ଦଳି ଦେବା ସହ ଯୁବକଙ୍କୁ କଚାଡିଲେ ହାତୀପଲ
ସୂଚନା ଅନୁସାରେ, ଖିକସାବଟ୍ଟା ଗାଁର ଭୁବନ ଗୌଡ଼ ନିଜ ଧାନା ଖଳାରେ ଶୋଇଥିବା ସମୟରେ ଜଙ୍ଗଲରୁ ୨୦ ରୁ ଉର୍ଦ୍ଧ ହାତୀ ପଲ ପଶି ଆସି ଖଳାରେ ଥିବା ଧାନ ଖାଇଥିଲେ । ପରେ ଭୁବନକୁ ଟେକି କଚାଡି ଦେଇଥିଲେ ହାତୀପଲ । ଖବର ପାଇ ନିକଟ ଖଳାରେ ଥିବା ଲୋକେ ଏଲିଫେଣ୍ଟ ସ୍କ୍ବାର୍ଡକୁ ଡାକି ଭୁବନକୁ ଉଦ୍ଧାର କରିଥିଲେ । ଏହାସହ ଗୁରୁତର ଅବସ୍ଥାରେ ନର୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି । ବନ ବିଭାଗ ପକ୍ଷରୁ ଗୁରୁତର ଯୁବକଙ୍କୁ ଚିକିତ୍ସା ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।