ଭବାନୀପାଟଣା: ସରିଲା ପ୍ରଭୁ ବୁଢାରଜାଙ୍କ ପୀଠରେ ଦଶହରା । କଳାହାଣ୍ଡି ଜିଲ୍ଲାର ଶେଷ ଦଶହରା ଭାବେ ପାଳନ ହେଉଥିବା କୋକସରା ବ୍ଲକ ଆମପାଣି ଠାରେ ପ୍ରଭୁ ବୁଢ଼ାରଜାଙ୍କ ବାର୍ଷିକ ଦଶହରା କୋଭିଡ କଟକଣା ମଧ୍ୟରେ ପାଳନ ହୋଇଛି । ପରମ୍ପରା ବଜାୟ ରଖିବାକୁ ସମସ୍ତ ରୀତିନୀତି ଅନୁଯାୟୀ ଦଶହରା ପାଳନ କରାଯାଇଥିବାବେଳେ ଅନ୍ୟ ବର୍ଷଗୁଡିକ ପରି ଏଠାରେ ଲୋକଙ୍କ ସମାଗମ ହୋଇନଥିବା ଦେଖାଯାଇଛି ।
କଟକଣା ମଧ୍ୟରେ ସରିଲା ପ୍ରଭୁ ବୁଢାରଜାଙ୍କ ଦଶହରା
କଳାହାଣ୍ଡି ଓ ନବରଙ୍ଗପୁର ସୀମାନ୍ତ ଆମପାଣି ଘାଟି ତଳେ କେଉଁ ଆବାହନମାନ କାଳରୁ ପୂଜା ପାଇଆସୁଛନ୍ତି ଆଦିବାସୀ ଜନଜାତିଙ୍କ ଆରାଧ୍ୟ ଦେବତା ବୁଢ଼ାରଜା । ଏହିଠାରେ ପ୍ରତିବର୍ଷ ଧୂମଧାମରେ ଦଶହରା ପର୍ବ ପାଳନ କରାଯାଇଥାଏ । ବିଗତ ବର୍ଷରେ ଏହି ଦଶହରାରେ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହେଉଥିବାବେଳେ ଦୁଇ ବର୍ଷ ହେବ କୋଭିଡ କଟକଣା ମଧ୍ୟରେ ଏଠାରେ ପର୍ବ ପାଳନ କରାଯାଉଛି । କେବଳ ବିଧିରକ୍ଷା ପାଇଁ ବିନା ଭକ୍ତରେ ବୁଢାରଜାଙ୍କ ଦଶହରା ଅନୁଷ୍ଠିତ ହୋଇଯାଇଛି ।