କଳାହାଣ୍ଡି: ଜିଲ୍ଲାର କେସିଙ୍ଗ।, ଧର୍ମଗଡ, ଜୁନାଗଡ ସମେତ ଭବାନୀପାଟଣା ବିଭିନ୍ନ ସହରରେ ପାଳନ ହୋଇଯାଇଛି ମା'ଙ୍କ ବିଜୟାଦଶମୀ । ଅଧର୍ମ ଉପରେ ଧର୍ମର ବିଜୟ । ଏନେଇ ସମସ୍ତ ପୂଜା ମଣ୍ଡପରେ ଜମିଥିଲା ଶ୍ରଦ୍ଧାଳୁଙ୍କ ଭିଡ ।
ଚଳିତ ବର୍ଷ ଭବାନୀପାଟଣା ସହରର ବିବିସିପଡା ପୂଜା କମିଟି, ଜନତା ପୂଜା କମିଟି, ପ୍ରଦେଶୀପଡା ପୂଜା କମିଟି ଓ ନକଟିଗୁଡା ପୂଜା କମିଟି ଭଳି ଛୋଟ ବଡ 10ଟି ପୂଜା ମେଢ ଅନୁଷ୍ଠିତ ହୋଇଥିଲା । ସୁସଜ୍ଜିତ ତୋରଣ ସାଙ୍ଗକୁ ରଙ୍ଗ ବିରଙ୍ଗର ବିଭିନ୍ନ ମୂର୍ତ୍ତି ଭକ୍ତଙ୍କୁ ଖୁବ୍ ଆକୃଷ୍ଟ କରିଥିଲା ।
ଏହାସହ ସୁସଜ୍ଜିତ ଆଲୋକ ମାଳାରେ ଝଲସି ଉଠୁଥିଲା ସବୁ ପୂଜା ମଣ୍ଡପ । ଏସବୁ ଭିତରେ ଶ୍ରଦ୍ଧାଳୁ ଓ ଦର୍ଶକଙ୍କ ପାଇଁ ମୀନା ବଜାର ଓ ବିଭିନ୍ନ ସାଂସ୍କୃତିକ କାର୍ଯକ୍ରମର ଆୟୋଜନ ମଧ୍ୟ ହୋଇଥିଲା ।
ସରିଲା ପୂଜା, ବିଦାୟ ନେବେ ମା'
ଆଜି ଧରାପୃଷ୍ଠରୁ ବିଦାୟ ନେବେ ମା' ଜଗତଜନନୀ । ଏନେଇ ପୂଜା କମିଟି ମାନେ ମା'ଙ୍କ ଭସାଣ ଉତ୍ସବ ପାଇଁ ଆରମ୍ଭ କରିଦେଇଛନ୍ତି ପ୍ରସ୍ତୁତି । ଏନେଇ ଜିଲ୍ଲା ପୋଲିସ ପକ୍ଷରୁ ଶାନ୍ତି ଶ୍ରୁଙ୍ଖଳା ରକ୍ଷା ସହ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
