ଭବାନୀପାଟଣା: ପାଣିରେ ଭାସୁଛି ରାସ୍ତା, ପୁଣି ନର୍ଦ୍ଦମା ପାଣି ପଶୁଛି ଘର ଭିତରେ । କେବଳ ସେତିକି ନୁହେଁ ଅବସ୍ଥା ଏତେ ଶୋଚନୀୟ ହୋଇଛି ଯେ, ଘରେ କି ବାହାରେ ରହି ହେଉନାହିଁ । ଡ୍ରେନ ପାଣି ମାସ ମାସ ଧରି ଜମି ରହୁଥିବାରୁ ମଶା ମାଛିଙ୍କ ପ୍ରାଦୁର୍ଭାବ ବି ବଢିଛି ।
କଳାହାଣ୍ଡି ଜିଲ୍ଲା ଭବାନୀପାଟଣା ସହରର ଦୃଶ୍ୟ ନକହିବା ଭଲ । ଡ୍ରେନ ପାଣିରେ ରାସ୍ତାରେ ଆଣ୍ଠୁଏ ପାଣି । ଏ ଅବସ୍ଥା ଆଜିର ନୁହେଁ, ଗତ କେଇ ମାସ ହେବ ଏମିତି ଅବସ୍ଥାରେ ଅଛନ୍ତି ଭବାନୀପାଟଣା ପୌରାଞ୍ଚଳବାସୀ । ୨୦୨୦-୨୧ ଆର୍ଥିକ ବର୍ଷରେ ୧ କୋଟି ୭୮ ଲକ୍ଷ ୪୫ ହଜାର ଟଙ୍କାର ବ୍ୟୟ ଅଟକଳରେ ସହରର ଉନ୍ନୟନମୂଳକ କାମ ସବୁ ତ୍ୱରାନ୍ୱିତ କାରାଯାଉଥିବା ବେଳେ ମୁଣ୍ଡ ଉପରେ ଏବେ ବର୍ଷାଋତୁ ।
କ୍ଲିନ, ଗ୍ରୀନ ସହର ଭବାନୀପାଟଣାରେ ଘରେ ପଶୁଛି ଡ୍ରେନ ପାଣି