ଭବାନୀପାଟଣା: ମାର୍ଚ୍ଚ ୨୪ରେ ହେବ ପୌର ନିର୍ବାଚନ । ଆଉ ଏହାକୁ ନେଇ କଳାହାଣ୍ଡି ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି । ଜିଲ୍ଲାର ଗୋଟିଏ ପୌର ପରିଷଦ ଓ ୩ଟି ବିଜ୍ଞାପିତ ଅଞ୍ଚଳ ପରିଷଦ ପାଇଁ ହେବ ନିର୍ବାଚନ । ଭବାନୀପାଟଣା ପୌର ପରିଷଦ, ଧର୍ମଗଡ଼, ଜୁନାଗଡ଼, କେସିଙ୍ଗା ଏନଏସିରେ ହେବ ନିର୍ବାଚନ ।
ପୌର ନିର୍ବାଚନକୁ ନେଇ ପ୍ରସ୍ତୁତ ଜିଲ୍ଲା ପ୍ରଶାସନ
୨୦ଟି ୱାର୍ଡକୁ ନେଇ ଗଠିତ ଭବାନୀପାଟଣା ପୌର ପରିଷଦରେ ୫୮ଟି ବୁଥ ମାଧ୍ୟମରେ ୫୭୭୧୧ ଜଣ ଭୋଟର ନିଜର ମତ ସାବ୍ୟସ୍ତ କରିବାକୁ ଥିବାବେଳେ ଧର୍ମଗଡ଼ ଏନଏସିର ୧୪ଟି ୱାର୍ଡରେ ୧୪ଟି ବୁଥ ମାଧ୍ୟମରେ ୧୨୫୫୧ ଜଣ ଭୋଟର ଦେବେ ଭୋଟ । ସେହିଭଳି ଜୁନାଗଡ଼ ଏନଏସିର ୧୨ଟି ୱାର୍ଡର ପାଇଁ ୧୮ ବୁଥରେ ୧୪୭୪3 ଜଣ ଭୋଟର ନିଜର ମତ ସାବ୍ୟସ୍ତ କରିବାକୁ ଥିବାବେଳେ କେସିଙ୍ଗା ଏନଏସିର ୧୨ଟି ୱାର୍ଡରେ ୧୭ଟି ବୁଥରେ ୧୪୨୦୫ ଜଣ ଭୋଟର ଦେବେ ଭୋଟ।