କଳାହାଣ୍ଡି: ଦୀର୍ଘ ଦିନର ଟଣା ଓଟରା ପରେ ଶେଷରେ କେନ୍ଦ୍ର ଓ ରାଜ୍ୟ ବିଜେପି ନେତୃମଣ୍ଡଳୀ ବରିଷ୍ଠ ଆଇନଜୀବୀ ଦେବେନ୍ଦ୍ର ମହାନ୍ତିଙ୍କୁ କଳାହାଣ୍ଡି ଭାରତୀୟ ଜନତା ପାର୍ଟିର ଜିଲ୍ଲା ସଭାପତି ଭାବେ ମନୋନୀତ କରିବା ପରେ ଜିଲ୍ଲା ବିଜେପି କର୍ମୀ ମହଲରେ ଖୁସିର ଲହରୀ ଖେଳିଯାଇଛି। କଳାହାଣ୍ଡି ଜିଲ୍ଲା ବିଜେପି ସଭାପତି ଭାବେ ବିଧାୟକ ତଥା ବିରୋଧୀ ଦଳ ନେତା ପ୍ରଦୀପ୍ତ ନାଏକ ରହିଥିଲେ।
ଦେବେନ୍ଦ୍ର ମହାନ୍ତି ହେଲେ କଳାହାଣ୍ଡି ବିଜିପି ଜିଲ୍ଲା ସଭାପତି
ତାଙ୍କର କାର୍ଯ୍ୟକାଳ ପୁରି ଯାଇଥିବା ବେଳେ ଲୋକସଭା ସାଂସଦ ବସନ୍ତ ପଣ୍ଡା ଓ ବିରୋଧୀ ଦଳ ନେତା ପ୍ରଦୀପ ନାଏକ ନିଜ ନିଜର ଦୃଢ ସମର୍ଥକଙ୍କୁ ଜିଲ୍ଲା ସଭାପତି ସ୍ଥାନରେ ବସାଇବା ପାଇଁ ଅଡ଼ି ବସିଥିଲେ । ଫଳରେ ରାଜ୍ୟରେ ପ୍ରାୟ ଅଧିକାଂଶ ଜିଲ୍ଲା ସଭାପତି ନାମ ଘୋଷଣା ହୋଇ ସାରିଥିବା ବେଳେ କଳାହାଣ୍ଡି ବିଜେପି ଜିଲ୍ଲା ସଭାପତି ନାମ ଘୋଷଣା ହୋଇପାରି ନଥିଲା।