ଚାଷ ଜମିରୁ ବୃଦ୍ଧଙ୍କ ମୃତଦେହ ଉଦ୍ଧାର

କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ଥାନା ଅନ୍ତର୍ଗତ ଟିଟ୍ରିପଡାରେ ଚାଷ ଜମିରୁ ବୃଦ୍ଧଙ୍କ ମୃତଦେହ ଉଦ୍ଧାର ।

ଭବାନୀପାଟଣା: ଚାଷ ଜମିରୁ ବୃଦ୍ଧଙ୍କ ମୃତଦେହ ଉଦ୍ଧାର । କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ଥାନା ଅନ୍ତର୍ଗତ ଟିଟ୍ରିପଡାରେ ଦେଖିବାକୁ ମିଳିଛି ଏହି ଅଭାବନୀୟ ଦୃଶ୍ୟ ।

ସୂଚନାନୁଯାୟୀ, ଥୁଆମୂଳ ରାମପୁରର ଜଣେ ଚାଷୀଙ୍କ ଚାଷ ଜମିରେ କାଦୁଅ କରିଥିବା ସମୟରେ ସେହି କାଦୁଆରୁ ଜଣେ ବୃଦ୍ଧ ବ୍ୟକ୍ତିଙ୍କ ମୃତଦେହ ଦେଖିବାକୁ ପାଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦହେ ଉଦ୍ଧାର କରିବା ସହ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

ତେବେ ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ମୃତବ୍ୟକ୍ତି ଜଣଙ୍କ ଥୁଆମୂଳ ରାମପୁର ଥାନା ସିରିମସ୍କା ଟିଟ୍ରିପଡାର ୮୦ ବର୍ଷୀୟ ବୃଦ୍ଧ ହାକି ମାଝୀ ବୋଲି ଜଣାପଡିଛି ।

କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ