ଭବାନୀପାଟଣା: ଜିଲ୍ଲାରେ କୋଭିଡ ମ୍ୟାନେଜମେଣ୍ଟରେ ଅବ୍ୟବସ୍ଥା ନେଇ ଖୋଲିଲା ଗୁମର । କୋରୋନା ଯୋଦ୍ଧାମାନେ ଅବ୍ୟବସ୍ଥା ମଧ୍ୟରେ ରହୁଥିବା ନିଜେ ପ୍ରକାଶ କରିଛନ୍ତି । ସେହିପରି ଏହାକୁ ଖଣ୍ଡନ କରିଛନ୍ତି କଳାହାଣ୍ଡି ସିଡିଏମଓ ।
ଅବ୍ୟବସ୍ଥା ମଧ୍ୟରେ କୋରୋନା ଯୋଦ୍ଧା
କୋରୋନା ଯୋଦ୍ଧାମାନଙ୍କୁ ସମ୍ମାନ ଓ ଗଣମାଧ୍ୟମରେ ଚର୍ଚ୍ଚାରେ ହିଁ ସୀମିତ ରହିଯାଉଛି । ଏପରି ଦେଖିବାକୁ ମିଳିଛି କଳାହାଣ୍ଡି ଜିଲ୍ଲାରେ । ଏଠାରେ ଖୋଦ ଡାକ୍ତରମାନେ ଅବ୍ୟବସ୍ଥାରେ ରହୁଥିବା ପ୍ରକାଶ କରିଛନ୍ତି । ବିଷମ ପରିସ୍ଥିତିରେ ନିଜକୁ ବିପନ୍ନ କରି ସେମାନେ ସେବା ଯୋଗାଉଛନ୍ତି । ହେଲେ ସେମାନଙ୍କ ପାଇଁ ନା ଅଛି ସ୍ବାସ୍ଥ୍ୟକର ପରିବେଶ ନାଁ ଅଛି ଆନୁସଙ୍ଗିକ ବ୍ୟବସ୍ଥା । ସେ ପିଇବା ପାଣି ହେଉ ଅବା ରହଣୀ । ସବୁଥିରେ ଉଣା ହୋଇଥିବା ସେ ଅଭିଯୋଗ କରିଛନ୍ତି ।