ଭବାନୀପାଟଣା: କଳାହାଣ୍ଡି ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା 100 କୁ ଟପିଛି । ଜିଲ୍ଲାରେ ବୁଧବାର ପୁଣି 7 ଜଣ କୋରୋନା ଆକ୍ରାନ୍ତ ଚିହ୍ନଟ ହେବା ପରେ ପଜିଟିଭ ସଂଖ୍ୟା ବୃଦ୍ଧି ଏବେ ପ୍ରଶାସନ ପାଇଁ ଚିନ୍ତାର କାରଣ ସାଜିଛି । 7 ଜଣ ରୋଗୀଙ୍କ ମଧ୍ୟରୁ 4 ଜଣ ଛତିଶଗଡ଼ ଫେରନ୍ତା ପ୍ରବାସୀ ଶ୍ରମିକ ହୋଇଥିବା ବେଳେ କ୍ବାରେଣ୍ଟାଇନ ସାରି ଗୃହ ସଙ୍ଗରୋଧ ରେ ରହୁଥିଲେ ।
ଅଣାୟତ୍ତ କୋରୋନା; କଳାହାଣ୍ଡିରେ 109 ଛୁଇଁଲା ପଜିଟିଭ କେସ
ସେହିପରି ଭବାନୀପାଟଣା ସହରର 3 ଜଣ ଆକ୍ରାନ୍ତ ଗଞ୍ଜାମ ଫେରନ୍ତା ବୋଲି ଜଣା ପଡିଥିବା ବେଳେ ଏମାନେ ମଧ୍ୟ ଗୃହ ସଙ୍ଗରୋଧରେ ଥିଲେ । ସମସ୍ତ ଆକ୍ରାନ୍ତଙ୍କୁ ଜିଲ୍ଲା କୋଭିଡ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି କଣ୍ଟାକ୍ଟ ଟ୍ରେସିଂ ପ୍ରକ୍ରିୟାକୁ ତ୍ବରାନ୍ବିତ କରାଯାଇଛି ।