ଭବାନୀପାଟଣା: ରାହୁଲ ଗାନ୍ଧୀଙ୍କ ନେତୃତ୍ବରେ କଂଗ୍ରେସର ଭାରତ ଯୋଡ ପଦଯାତ୍ରା ଜାରି ରହିଛି । ତେବେ ରାହୁଲ ଗାନ୍ଧୀଙ୍କର ଏହି ପଦଯାତ୍ରା ଓଡ଼ିଶାକୁ ଆସିବ ନାହିଁ । କିନ୍ତୁ ଯାତ୍ରାର ଅଶଂବିଶେଷ ସ୍ବରୂପ ରାଜ୍ୟ କଂଗ୍ରେସ ସାରା ରାଜ୍ୟରେ ଭାରତ ଯୋଡ ପଦଯାତ୍ରା କରିବାପାଇଁ ପ୍ରସ୍ତୁତ ହୋଇଛି । ଏହି ପରିପ୍ରେକ୍ଷୀରେ ଆଜି କଳାହାଣ୍ଡି କଂଗ୍ରେସ ପକ୍ଷରୁ ଜୁନାଗଡ଼ରେ ଭାରତ ଯୋଡ ପଦଯାତ୍ରା ଆୟୋଜନ ହୋଇଥିଲା ।
ସଂଗଠନକୁ ସୁଦୃଢ଼ କରିବା ସହିତ ଦଳକୁ ପୁଣି ଥରେ ଶାସନକୁ ଫେରାଇ ଆଣିବା ପାଇଁ ଭାରତୀୟ ଜାତୀୟ କଂଗ୍ରେସ ପକ୍ଷରୁ ରାହୁଲ ଗାନ୍ଧୀଙ୍କ ନେତୃତ୍ବରେ ସାରା ଦେଶରେ ଚାଲିଛି ଭାରତ ଯୋଡ ପଦଯାତ୍ରା । ୧୫୦ ଦିନ ବ୍ୟାପି ହେବାକୁ ଥିବା ଏହି ଯାତ୍ରାରେ ଦଳ ୧୦ ରାଜ୍ୟ ଓ ୨ କେନ୍ଦ୍ର ଶାସିତ ଅଞ୍ଚଳ ପରିକ୍ରମା କରି କାଶ୍ମୀରରେ ପହଞ୍ଚିବା ପରେ ଶେଷ ହେବ । ତେବେ ରାହୁଲ ଗାନ୍ଧୀ ଏହି ପଦଯାତ୍ରାରେ ଓଡ଼ିଶା ଆସୁନଥିବା ବେଳେ ରାଜ୍ୟ କଂଗ୍ରେସ କିନ୍ତୁ ରାଜ୍ୟରେ ଭାରତ ଯୋଡ ପଦଯାତ୍ରା ନେଇ ପ୍ରସ୍ତୁତି ଆରମ୍ଭ କରିଛି । ତେବେ ଆଜି (ଶନିବାର) କଳାହାଣ୍ଡି ଜିଲ୍ଲା ଜୁନାଗଡ଼ଠାରେ କଂଗ୍ରେସର ଭାରତ ଯୋଡ ପଦଯାତ୍ରା ଆୟୋଜନ ହୋଇଥିଲା ।