ଭବାନୀପାଟଣା:କଳାହାଣ୍ଡି ଜିଲ୍ଲାରେ ଧୂମଧାମରେ ପାଳିତ ହୋଇଛି ଚୈତ୍ର ପର୍ବ । ଗ୍ରାମାଞ୍ଚଳ ଠାରୁ ଆରମ୍ଭ କରି ସହରାଞ୍ଚଳରେ ବେଶ ଧୂମଧାମରେ ପାଳିତ ହୋଇଛି ଚୈତ୍ର ପର୍ବ । ପରମ୍ପରା ଅନୁଯାୟୀ ଚୈତ୍ର ମାସ ଆରମ୍ଭରୁ ହିଁ ଚାରିଆଡେ ନିଜ ନିଜ ଅଞ୍ଚଳର ଇଷ୍ଟଦେବୀଙ୍କୁ ପୂଜାର୍ଚ୍ଚନା କରିବା ପରେ ପ୍ରତ୍ୟେକ ଦିନ ସନ୍ଧ୍ୟାରେ ସମୟରେ ନଗର ପରିକ୍ରମା କରିଥାନ୍ତି ଦେବୀ ।
କଳାହାଣ୍ଡିରେ ଧୂମଧାମରେ ଚୈତ୍ର ପର୍ବ ପାଳିତ
ତେବେ ଦେବୀଙ୍କ ମୁଖ୍ୟ ପୂଜକ ଓ ସେବକମାନେ ଦେବୀଙ୍କ ଘଟକୁ ଧରି ଘର ଘର ଯାଇଥାନ୍ତି । ଲୋକେ ମଧ୍ୟ ନଜ ଘର ସମ୍ମୁଖରେ ଦୀପ ଧୂପ ଦେଇ ଗ୍ରାମଦେବୀଙ୍କୁ ପୂଜାର୍ଚ୍ଚନା କରିଥାନ୍ତି । ଏହି ଭଳି ୧୦ ଦିନର ନଗର ପରିକ୍ରମା ପରେ ଚିତ୍ରା ଦିନ ଗ୍ରାମଦେବୀଙ୍କ ନିକଟରେ ସ୍ୱତନ୍ତ୍ର ପୂଜାର୍ଚ୍ଚନା କରାଯାଇଥାଏ ।ମାନସିକ ଧରି ବୋଦା କୁକୁଡ଼ା ଆଦି ବଳି ଦେଇଥାନ୍ତି ।