ଭବାନୀପାଟଣା: କଳାହାଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟ ଠାରେ ଓଡିଶା ମୋ ପରିବାର ପକ୍ଷରୁ ରକ୍ତଦାନ ଶିବିର ଅନୁଷ୍ଠିତ ହୋଇଛି। ଏଥିରେ ମୁଖ୍ୟ ଅତିଥି ଭାବରେ ରାଜ୍ୟ ଗୃହରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର ଯୋଗ ଦେଇ ଶିବିରକୁ ଉଦଘାଟନ କରିବା ସହ ସମସ୍ତ ରକ୍ତଦାତା ମାନଙ୍କୁ କୃତଜ୍ଞତା ଜଣାଇଥିଲେ।
କଳାହାଣ୍ଡିରେ ରକ୍ତଦାନ ଶିବିର
ଅନୁଷ୍ଠିତ ରକ୍ତଦାନ ଶିବିରରେ ଜିଲ୍ଲା ବିଜେଡିର ଅନେକ କର୍ମୀ ରକ୍ତଦାନ କରିଥିଲେ। ରକ୍ତଦାନ ଶିବିର ମାଧ୍ୟମରେ ୨୫ ୟୁନିଟ ରକ୍ତ ସଂଗ୍ରହ କରାଯାଇଛି। କୋରୋନା ମହାମାରୀ ସହ ଜିଲ୍ଲା ମୁଖ୍ୟ ଚିକିତ୍ସାଳୟରେ ଥିବା ରକ୍ତଭଣ୍ଡାରରେ ପର୍ଯ୍ୟପ୍ତ ପରିମାଣର ରକ୍ତ ରହୁନଥିବା ବେଳେ ଅନେକ ସମୟରେ ଲୋକେ ସମସ୍ୟାର ସମ୍ମୁଖୀନ ହେଉଛନ୍ତି।