ଲାଞ୍ଜିଗଡ଼ରେ ଚାଲିଛି ବେଧଡକ ଗୋ-ମାଂସ ବିକ୍ରି, 2 ବେପାରୀ ଅଟକ

କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଥାନା ଚନ୍ଦନପୁର ଗାଁରେ ଗୋ ମାଂସ ବିକ୍ରି କରୁଥିବା ସମୟରେ ଦୁଇ ବେପାରୀ ଘାସିରାମ ବାଗ ଓ ସର୍ଜିତ ଭୋଇଙ୍କୁ ଅଟକ ରଖି ପୋଲିସ ତଦନ୍ତ ଆରମ୍ଭ କରିଛି। ଅଧିକ ଖବର ପଢନ୍ତୁ...

କଳାହାଣ୍ଡି: ଧର୍ମ ଭୁଲିଗଲେ ହିନ୍ଦୁ ଲୋକେ। ଶେଷରେ ଗୋମାତାକୁ ବି ଛାଡିଲେନି। ତେବେ ଏହି କିଛିଦିନ ହେବ ଲାଞ୍ଜିଗଡ଼ ଅଞ୍ଚଳରେ ବେଧଡକ ଚାଲିଛି ଗୋରୁମାଂସ ବିକ୍ରି। କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଥାନା ଚନ୍ଦନପୁର ଗାଁରେ ଗୋ ମାଂସ ବିକ୍ରି କରୁଥିବା ସମୟରେ ଦୁଇ ବେପାରୀ ଘାସିରାମ ବାଗ ଓ ସର୍ଜିତ ଭୋଇଙ୍କୁ ଅଟକ ରଖିପୋଲିସ ତଦନ୍ତ ଆରମ୍ଭ କରିଛି।

ମିଳିଥିବା ସୂଚନା ଅନୁଯାୟୀ, ରାୟଗଡା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ ରାଣିପିଣ୍ଡା ଗ୍ରାମର ଘାସିରାମ ବାଗ ଓ ସର୍ଜିତ ଭୋଇ ଦୁଇ ଗୋରୁ ମାଂସ ବେପାରୀ । ଏମାନେ ଗୋଟିଏ ଜରି ବସ୍ତାରେ ଗୋରୁ ମାଂସ ଭର୍ତ୍ତି କରି ଏକ ଟିଭିଏସ ଏକ୍ସସେଲ ବାଇକ (ଓଡି ୧୮ ଏଫ ୮୯୭୫)ରେ ଲାଞ୍ଜିଗଡ଼ ବ୍ଲକ ଚମ୍ପାଦେଇପୁର ପଞ୍ଚାୟତର ଚନ୍ଦନପୁର ଗ୍ରାମରେ ବିକ୍ରି କରୁଛନ୍ତି।

ଏମାନଙ୍କର ଗୋଟିଏ ବଡ଼ ଗୋରୁ ଚାଲାଣ ରାକେଟ ଟିମ ଅଛନ୍ତି । ସେଥିମଧ୍ୟରୁ କିଛି ଲୋକ ଗାଡ଼ିରେ ଗୋରୁ ଚାଲାଣ କରୁଥିବା ବେଳେ ଆଉ କିଛି ଲୋକ ଗୋରୁ ମାଂସକୁ ଗାଁ ଗାଁ ବୁଲି ବିକ୍ରି କରୁଛନ୍ତି। ସପ୍ତାହରେ ଦୁଇ ଦିନ ସୋମବାର ଓ ଶୁକ୍ରବାର ମାଂସ ଆଣି ଲାଞ୍ଜିଗଡ଼ ବ୍ଲକ ଅଞ୍ଚଳରେ ଏମାନେ ବିକ୍ରି କରୁଛନ୍ତି ।

ଏହାସହ କିଛି ଲୋକ ସପ୍ତାହରେ ୨ ଦିନ ଗୋରୁଙ୍କୁ ଏକ ପିକକ ଭ୍ୟାନରେ ଖୁଲମ ଖୁଲା ଦିନ ବେଳେ ଲାଞ୍ଜିଗଡ଼ରୁ କଲ୍ୟାଣିସିଂପୁର ରାସ୍ତା ଦେଇ ବିଶାଖାପାଟଣା ଯାଏ ଗୋରୁଚାଲାଣ କରୁଛନ୍ତି। ତେଣୁ ପ୍ରଶାସନ ଏହି ଦିଗରେ ଉଚିତ ପଦକ୍ଷେପ ଗ୍ରହଣ କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି।

କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ