ବ୍ୟାଣ୍ଡ ପାର୍ଟି ଗାଡି ଦୁର୍ଘଟଣାଗ୍ରସ୍ତ, 15 ଗୁରୁତର

ବ୍ୟାଣ୍ଡ ପାର୍ଟି ଗାଡି ଦୁର୍ଘଟଣାଗ୍ରସ୍ତ। କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ଲଡୁ ଗାଁ-ସୁପାଡ ରାସ୍ତାରେ ଓଲଟି ପଡ଼ିଲା ବ୍ୟାଣ୍ଡ ପାର୍ଟି ଗାଡି । ଅଧିକ ପଢନ୍ତୁ...

କଳାହାଣ୍ଡି: ବ୍ୟାଣ୍ଡ ପାର୍ଟି ଗାଡି ଦୁର୍ଘଟଣାଗ୍ରସ୍ତ। କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ଲଡୁ ଗାଁ-ସୁପାଡ ରାସ୍ତାରେ ଓଲଟି ପଡ଼ିଲା ବ୍ୟାଣ୍ଡ ପାର୍ଟି ଗାଡି । ଫଳରେ ଗାଡିରେ ବସିଥିବା 15 ଜଣ ଯୁବକ ଗୁରୁତର ହୋଇଛନ୍ତି l ଗୁରୁତର ଅବସ୍ଥାରେ 108 ଆମ୍ବୁଲାନ୍ସ ଯୋଗେ କୋକସରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ସେମାନଙ୍କୁ ଭର୍ତ୍ତି କରାଯାଇଛି l

କୋକସରା ଥାନା ସୁପାଡ ଗାଁରୁ ଭାଲିଆଯୋରକୁ ଏକ ବାହାଘର ବାଜା ବଜାଇବାକୁ ଯାଉଥିବା ବେଳେ ଏହି ଘଟଣା ଘଟିଛି l ଗୁରୁତରମାନେ ନବରଙ୍ଗପୁର ଓ କଳାହାଣ୍ଡି ଜିଲ୍ଲା ସୀମାନ୍ତ ମଇଦଲପୁର, ପାପଡାହାଣ୍ଡି ଓ ଆମପାଣି ଅଞ୍ଚଳର ବୋଲି ଜଣା ପଡିଛି l

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ