ଭବାନୀପାଟଣା: ଆଜି(ଗୁରୁବାର) କଳାହାଣ୍ଡି ଜିଲ୍ଲାରେ ଜାରି ରହିଛି ପଞ୍ଚମ ପର୍ଯ୍ୟାୟ ନିର୍ବାଚନ । ଏହାରି ମଧ୍ୟରେ କଲମପୁର ବ୍ଲକ ଦେପୁର ପଞ୍ଚାୟତ ବାକିଛଡ଼ା ଗ୍ରାମବାସୀ କରିଛନ୍ତି ଭୋଟ ବର୍ଜନ । ଗାଁରେ ହାତୀ ନଦୀକୂଳରେ ନଦୀ ବନ୍ଧ ନଥିବା କାରଣରୁ ଗ୍ରାମବାସୀ ଏପରି ନିଷ୍ପତ୍ତି ନେଇଥିବା ଜଣାପଡ଼ିଛି ।
5th Phase Voting: ଗାଁରେ ସରକାରୀ ଅବହେଳା, ଭୋଟ ବର୍ଜନ କଲେ ବାକିଛଡ଼ାବାସୀ
ଏହି ଗାଁରେ ଅନେକ ସମସ୍ୟା ଦେଇ ଗତି କରୁଛନ୍ତି ଗ୍ରାମବାସୀ । ପ୍ରତ୍ୟେକ ବର୍ଷ ବର୍ଷା ସମୟରେ ନଦୀ ପାଣି ଲୋକଙ୍କ ଘରକୁ ପଶି ଯାଉଛି । ସେପଟେ ଗାଁ ସ୍କୁଲରେ କୋଠା ନଥିବା ଫଳରେ ଛାତ୍ରଛାତ୍ରୀ ସ୍କୁଲରୁ ମୁହଁ ଫେରାଉଥିବା ବେଳେ ବିପଦ ସଂକୁଳ ଅବସ୍ଥାରେ ରହିଛି ସ୍କୁଲ କୋଠା । ଏହାସହ ଗାଁକୁ ରାସ୍ତା ନିର୍ମାଣ ଭଳି ଅନେକ ଦାବି ନେଇ ଗ୍ରାମବାସୀ ପୂର୍ବରୁ ପ୍ରଶାସନର ଦ୍ବାରସ୍ଥ ହୋଇଥିଲେ । ହେଲେ ଏଯାବତ୍ କୌଣସି ସୁଫଳ ନ ମିଳିନାହିଁ ।