ଭବାନୀପାଟଣା:ସର୍ବ ଭାରତୀୟ ଓପନ କରାଟେ ପ୍ରତିଯୋଗିତା । କଳାହାଣ୍ଡିକୁ ମିଳିଲା ୧ ସ୍ୱର୍ଣ୍ଣ, ୧ ରୌପ୍ୟ ଓ ୨ କାଂସ୍ୟ ଓ ବ୍ରୋଞ୍ଜ ପଦକ। ରାଜଧାନୀ ଭୁବନେଶ୍ବରସ୍ଥିତ ଉତ୍କଳ କରାଟେ ସ୍କୁଲ ଠାରେ ଅନୁଷ୍ଠିତ ସର୍ବ ଭାରତୀୟ ଓପନ କରାଟେ ପ୍ରତିଯୋଗିତା ଗତ ନଭେମ୍ବର ୨୬ ଠାରୁ ୨୮ ତାରିଖ ପର୍ଯ୍ୟନ୍ତ ତିନିଦିନ ଧରି ଅନୁଷ୍ଠିତ ହୋଇଥିଲା। ଏଥିରେ କଳାହାଣ୍ଡି ଜିଲ୍ଲାର ୪ ଜଣ କରାଟେ ପ୍ରତିଯୋଗୀ ଭାଗ ନେଇଥିଲେ ।
ସର୍ବ ଭାରତୀୟ ଓପନ କରାଟେ ପ୍ରତିଯୋଗିତା: କଳାହାଣ୍ଡିକୁ ୪ ପଦକ
ଲାଞ୍ଜିଗଡ଼ ବ୍ଳକର ଡିଏଭି ସ୍କୁଲର ହିତେଶ କୁମାର ମହାଖୁଡ଼ ଓ କିରନ ବେମାଲ ଭାଗ ନେଇଥିଲେ। ସେହିପରି ଲାଞ୍ଜିଗଡ଼ ସରକାରୀ ଏସଏସଡ଼ି ସ୍କୁଲର ଜକ୍ଷ୍ୟ ପାଟମାଝୀ ଓ ରବୀନ୍ଦ୍ର ବେନାଲ ମଧ୍ୟ ଭାଗ ନେଇଥିଲେ। ସେମାନଙ୍କ ମଧ୍ୟରୁ ଡିଏଭି ସ୍କୁଲର ହିତେଶ କୁମାର ମହାଖୁଡ଼ ୧୩ ରୁ କମ ବର୍ଷ ବାଳକ ବିଭାଗ କାତାରେ ପ୍ରଥମ ସ୍ଥାନ ଅଧିକାର କରି ସ୍ୱର୍ଣ୍ଣ ପଦକ ପଦକ ହାତେଇଛନ୍ତି ।