ଅଜଣା ଗାଡି ଧକ୍କାରେ ବାଇକ ଚାଳକ ମୃତ

କଳାହାଣ୍ଡି ମୋଟେରରେ ସଡ଼କ ଦୁର୍ଘଟଣା । ବାଇକ ସହ ଏକ ମକା ବୋଝେଇ ଟ୍ରକର ମୁହାଁମୁହିଁ ଧକ୍କା । ଘଟଣାସ୍ଥଳରେ ବାଇକ ଚାଳକ ମୃତ । ପଢନ୍ତୁ ସମ୍ପୂର୍ଣ୍ଣ ଖବର...

ଭବାନୀପାଟଣା: କଳାହାଣ୍ଡି ଜିଲ୍ଲା ୨୬ ନମ୍ବର ଜାତୀୟ ରାଜପଥ ନିକଟସ୍ଥ ମୋଟେରରେ ସଡ଼କ ଦୁର୍ଘଟଣା । ଅଜଣା ଗାଡି ଧକ୍କାରେ ବାଇକ ଚାଳକ ମୃତ । ମୃତ ଯୁବକ ହେଲେ କୋକସରା ବ୍ଲକ ମୋଟେର ଖୁଟୁଲୁଗୁଡାର ବବୃବାହାନ ହାତୀ ।

ସୂଚନା ଅନୁସାରେ ବବୃବାହାନ ଏକ ବିବାହ କାମ ସାରି ବାଇକରେ ଫେରୁଥିବା ସମୟରେ ଏକ ମକା ବୋଝେଇ ଟ୍ରକ ସହ ମୁହାଁମୁହିଁ ଧକ୍କା ହେଲା । ଫଳରେ ଘଟଣାସ୍ଥଳରେ ହିଁ ବବୃବାହାନଙ୍କ ମୃତ୍ୟୁ ଘଟିଲା । ସେପଟେ ଭାରସାମ୍ୟ ହରାଇ ସେହି ମକା ବୋଝେଇ ଟ୍ରକ ମଧ୍ୟ ଓଲଟିପଡିଲା । ଘଟଣା ସମ୍ପର୍କରେ କୋକସରା ପୋଲିସ ଖବର ପାଇଁ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ କୋକସରା ଡାକ୍ତରଖାନା ପଠାଇଛି । ଘଟଣାର ତଦନ୍ତ ଜାରି ରଖିଛି କୋକସରା ପୋଲିସ ।

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ