40 ଲକ୍ଷ ଟଙ୍କାର ଗଞ୍ଜେଇ ଜବତ, ପିକଅପ ଭ୍ୟାନ ଜବତ

କେସିଙ୍ଗା ପୋଲିସ ପଞ୍ଝାରେ ଗଞ୍ଜେଇ ମାଫିଆ । ଲକ୍ଷାଧିକ ଟଙ୍କାର ଗଞ୍ଜେଇ ଜବତ । ପିକଅପ ଭ୍ୟାନ ଜବତ, ଡ୍ରାଇଭର ଗିରଫ । ଅଧିକ ପଢନ୍ତୁ...

ଭବାନୀପାଟଣା: କେସିଙ୍ଗା ପୋଲିସକୁ ମିଳିଛି ଆଉ ଏକ ସଫଳତା । ମକା ବୋଝେଇ ପିକଅପ ଭ୍ୟାନରୁ ବିପୁଳ ପରିମାଣର ଗଞ୍ଜେଇ ଜବତ । କେସିଙ୍ଗା ସହରର ପ୍ରବେଶ ପଥରେ ଚୋରା ଗଞ୍ଜେଇ ଚାଲାଣ ହେଉଥିବା ବେଳେ ସ୍ଥାନୀୟ ପୋଲିସ ଚଢ଼ାଉ କରି ୧୧୯ ପ୍ୟାକେଟ ଗଞ୍ଜେଇ ଜବତ କରିଛି । ଯାହାର ଓଜନ ୬ କ୍ବିଣ୍ଟାଲ ହେବା ସହ ଜବତ ଗଞ୍ଜେଇର ମୂଲ୍ୟ ୪୦ଲକ୍ଷ ଟଙ୍କା ହେବା ନେଇ ପୋଲିସ ଅନୁମାନ କରୁଛି ।

ସୂଚନାନୁଯାୟୀ କେସିଙ୍ଗା ପୋଲିସ ବିଶେଷ ସୂତ୍ରରୁ ଖବର ପାଇ ଭବାନୀପାଟଣାରୁ ସମ୍ବଲପୁର ରାସ୍ତାରେ ଚଢାଉ ଜାରି ରଖିଥିବା ବେଳେ ଏକ ଗଞ୍ଜେଇ ବୋଝେଇ ପିକଅପ ଭ୍ୟାନକୁ ଜବତ କରିଛି ପୋଲିସ । ତେବେ ଏହି ଚଢାଉ କାର୍ଯ୍ୟକ୍ରମରେ ଥାନାଧିକାରୀ ସତ୍ୟ କୁମାର ନନ୍ଦଙ୍କ ନେତୃତ୍ବରେ କେସିଙ୍ଗା ଥାନାର ପୋଲିସ କର୍ମଚାରୀମାନେ ସାମିଲ ହୋଇଥିଲେ ।

କଳାହାଣ୍ଡିରୁ ଅଜିତ୍ କୁମାର ସିଂ, ଇଟିଭି ଭାରତ