କଳାହାଣ୍ଡି: ସାବାଡ ହେଲେ ଲୁଟେରା । କଳାହାଣ୍ଡି ଜୟପଟଣା ଥାନା ଅଞ୍ଚଳରେ ଜଣେ ଫାଇନାସ୍ପ କମ୍ପାନୀର କର୍ମଚାରୀଙ୍କଠାରୁ କିଛି ଦୁର୍ବୃତ୍ତ ଲକ୍ଷେରୁ ଊର୍ଦ୍ଧ୍ବ ଟଙ୍କା ନେଇ ଫେରାର ହୋଇଯାଇଥିଲେ । ଏହି ମାମଲାରେ ଥାନାରେ ଅଭିଯୋଗ ହେବା ପରେ ପୋଲିସ ତତ୍ପରତା ଦେଖାଇଥିଲା । ପୋଲିସ ତଦନ୍ତ ପରେ ଧରାପଡିଲା 3 ଡକାୟତ ।
ଜୟପାଟଣା ପୋଲିସକୁ ସଫଳତା, ୩ ଡକାୟତ ଗିରଫ
ସୂଚନା ଅନୁସାରେ ଜୟପାଟଣା ବ୍ଲକରେ ଥିବା ଏକ ଭାରତ ପ୍ରାଇଭେଟ ଫାଇନାନ୍ସ କମ୍ପାନୀର ଜଣେ ଏଜେଣ୍ଟଙ୍କ ଠାରୁ ଗତ ୧୨ ତାରିଖରେ ଜୟପାଟଣା ଥାନା ସର୍ଗିଗୁଡାରୁ କୁଚାଗାଁ ମଧ୍ୟରେ କିଛି ଦୁର୍ବୁର୍ତ୍ତମାନେ ଏକ ବାଇକରେ ଆସି ମାରଣାସ୍ତ୍ର ଦେଖାଇ ୧ ଲକ୍ଷ ୨୨ ହଜାର ୭୯୮ ଟଙ୍କା ଲୁଟ କରି ଚମ୍ପଟ ମାରିଥିଲେ । ଏନେଇ ଫାଇନାନ୍ସ କମ୍ପାନୀ ଜୟପାଟଣା ଥାନାରେ ଅଭିଯୋଗ କରିବା ପରେ ପୋଲିସ ତତ୍ପରତା ଦେଖାଇଥିଲେ । ଅଭିଯୋଗ ପାଇବା ପରେ ପୋଲିସ ଆରମ୍ଭ କରିଥିଲା ଛାନବିନ । ଆଉ ଧରାପଡିଥିଲେ ୩ ଅଭିଯୁକ୍ତ ।