ଭବାନୀପାଟଣା: ବାଇକ ଲାଇଟକୁ ନେଇ ଗୋଷ୍ଠୀ ସଂଘର୍ଷ । ଏଥିରେ ଜଣକର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର । ଘଟଣାରେ ୩ ଜଣଙ୍କୁ ଗିରଫ କରିଛି ପୋଲିସ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ସଦର ଥାନା ଅଞ୍ଚଳରେ ।
ଦିନରେ ବାଇକ ଲାଇଟ ଜଳୁଥିବାରୁ ଆକ୍ରମଣ, ଜଣେ ମୃତ ଅନ୍ୟଜଣେ ଗୁରୁତର
ସୂଚନା ଅନୁଯାୟୀ ପାଷ୍ଟିପଡ଼ା ଗାଁର ଟିକେମଣି ଭୋଇ ଓ ମନୋଜ ଭୋଇ ବାଇକ ଯୋଗେ କୌଣସି କାମ ପାଇଁ ଭବାନୀପାଟଣା ଯାଉଥିଲେ । ତେବେ ବାଇକର ଲାଇଟ ଜଳୁଥିବାରୁ ଗାଁ ଛକ ନିକଟରେ ସେହି ଗାଁର ତିନି ଯୁବକ ହରି ମାଝୀ, ହରେରାମ ମାଝୀ ଓ ଶ୍ୟାମ ମାଝୀ ଉଭୟଙ୍କୁ ଅଟକାଇଥିଲେ । ଫଳରେ ସେମାନଙ୍କ ମଧ୍ୟରେ ବଚସା ଆରମ୍ଭ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ହରି, ହରେରାମ ଓ ଶ୍ୟାମ ଉଭୟଙ୍କୁ ବାଇକରୁ ଟାଣି ଆଣି ଲୁହା ପାଇପରେ ଆକ୍ରମଣ କରିଥିଲେ ।