ଭବାନୀପାଟଣା: କଳାହାଣ୍ଡି ଜିଲ୍ଲାରେ ଦିନକୁ ଦିନ ବୃଦ୍ଧି ପାଉଛି ଅପରାଧିକ କାର୍ଯ୍ୟକଳାପ । ବର୍ତ୍ତମାନର ଯୁବପିଢ଼ି ଧୀରେ ଧୀରେ ଅପରାଧିକ ମାମଲା ଅଧିକ ଘଟାଉଥିବା ଜଣାପଡିଛି । ଏହିପରିପ୍ରେକ୍ଷୀରେ ଆଜି(ଶୁକ୍ରବାର) ଜିଲ୍ଲାର 2 ଜଣ ଯୁବକଙ୍କୁ ଗିରଫ କରିଛି ପୋଲିସ ।
ସୂଚନା ଅନୁଯାୟୀ, ଦୁଇଜଣ ଯୁବକ କେସିଙ୍ଗା ସହର ନିକଟରେ ଥିବା ତେଲ ନଦୀ କୂଳରେ କୌଣସି ଏକ ଅପରାଧ ପାଇଁ ଯୋଜନା କରୁଥିବା ସମୟରେ ବିଶ୍ୱସ୍ତ ସୂତ୍ରରୁ ଖବର ପାଇ କେସିଙ୍ଗା ପୋଲିସ ଘଟଣାସ୍ଥଳରେ ପହଞ୍ଚିଥିଲା । ପୋଲିସ ଏଠାରେ ଚଢ଼ାଉ କରି ଗୋଟିଏ ଦେଶୀ ପିସ୍ତଲ ଜବତ କରିବା ସହ ଦୁଇଜଣ ଯୁବକଙ୍କୁ ଗିରଫ କରାଯାଇଛି । ଏନେଇ କଳାହାଣ୍ଡି SP ସୂଚନା ଦେଇଛନ୍ତି ।
ଗିରଫ ଅଭିଯୁକ୍ତମାନେ ହେଲେ କେସିଙ୍ଗା ସହର ୬ ନମ୍ବର ୱାର୍ଡର ରାହୁଲ ମାଝୀ ଓ ଲଛମନ ମଙ୍ଗରାଜ । ପୋଲିସ ଏମାନଙ୍କୁ ଗିରଫ କରି ଅଧିକ ତଦନ୍ତ ଜାରିରଖିଛି ।
କନ୍ଧମାଳରୁ ଅଜିତ ସିଂ, ଇଟିଭି ଭାରତ
