ଭବାନୀପାଟଣା: କଳାହାଣ୍ଡି ଜିଲ୍ଲାରେ ପୁଣି ୧୧ ଜଣ କୋରୋନା ପଜିଟିଭ ଚିହ୍ନଟ । ସ୍ଥାନୀୟ ସଂକ୍ରମଣ ଚିହ୍ନଟ ପରେ ଭବାନୀପାଟଣା ସହରରେ ଗୋଷ୍ଠୀ ସଂକ୍ରମଣ ହୋଇସାରିଥିବା ବୁଦ୍ଧିଜୀବୀ କହୁଥିବା ବେଳେ ପ୍ରଶାସନ ପାଇଁ ଏହା ଏବେ ଚିନ୍ତାର କାରଣ ସାଜିଛି । ସେପଟେ ସାଧାରଣ ଲୋକେ ଏନେଇ ଆତଙ୍କିତ ।
କଳାହାଣ୍ଡିରେ ଆଉ ୧୧ ଜଣ କୋରୋନା ପଜିଟିଭ ଚିହ୍ନଟ
ରବିବାର କଳାହଣ୍ଡି ଜିଲ୍ଲାରେ ଚିହ୍ନଟ ହୋଇଥିବା ୧୧ ଜଣ ଆକ୍ରାନ୍ତ ବ୍ୟକ୍ତି ପୂର୍ବ ସଂକ୍ରମିତ ଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଛନ୍ତି । ୧୧ ଆକ୍ରାନ୍ତଙ୍କ ମଧ୍ୟରୁ ୧୦ ଜଣ ଭବାନୀପାଟଣା ସହରର ସେମାନଙ୍କ ମଧ୍ୟରେ ୨ ଜଣ କୋରନା ଯୋଦ୍ଧା ପୋଲିସ କର୍ମଚାରୀ ରହିଛନ୍ତି । ସେପଟେ ନର୍ଲା ଅଞ୍ଚଳରୁ ମଧ୍ୟ ଜଣେ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।ସେ ମଧ୍ୟ ଆକ୍ରାନ୍ତଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଥିବା ଜଣାପଡିଛି।