ଭବାନୀପାଟଣା: ରାଜ୍ୟରେ ଦିନକୁ ଦିନ ବେଆଇନ ଗଞ୍ଜେଇ ଚୋରା ଚାଲାଣ ବଢୁଥିବା ବେଳେ ଏହା ଉପରେ ତୀକ୍ଷ୍ନ ନଜର ରଖିଛି ଅବକାରୀ ବିଭାଗ । ତେବେ କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅନ୍ତର୍ଗତ ବଲଦିଆମାଲ ଗାଁରେ ଅବକାରୀ ବିଭାଗ ଚଢ଼ାଉ କରି ୧ କ୍ବିଣ୍ଟାଲ ୮୨ କେଜି ଗଞ୍ଜେଇ ଜବତ କରିଛି ।
ସୂଚନା ଅନୁଯାୟୀ, ଜୁନାଗଡ଼ ଥାନା ବଳଦିଆମାଲ ଗାଁର ଗଜାନନ ମେହେରଙ୍କ ଘରେ ବିପୁଳ ପରିମାଣର ଗଞ୍ଜେଇ ମହଜୁଦ ଥିବା ଜିଲ୍ଲା ଅବକାରୀ ବିଭାଗ କୌଣସି ସୂତ୍ରରୁ ଖବର ପାଇ ବଲଦିଆମାଲ ଗାଁରେ ଚଢ଼ାଉ କରିଥିଲା । ଏହି ସମୟରେ ଗଜାନନଙ୍କ ଘରୁ ୧.୮୨ କ୍ବିଣ୍ଟାଲ ଗଞ୍ଜେଇ ସହ ଗୋଟିଏ ଜେକ ମେସିନ, ଓଜନ ମେସିନ, ପ୍ରେସ ଟେବୁଲ ଆଦି ଜବତ କରାଯାଇଥିଲା । ଘଟଣାରେ ଅଭିଯୁକ୍ତ ଗଞ୍ଜେଇ ମାଫିଆ ଗଜାନନଙ୍କୁ ଗିରଫ କରିଛି ଅବକାରୀ ବିଭାଗ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
