ଝାରସୁଗୁଡା: ପାରିବାରିକ କଳହର କରୁଣ ପରିଣତି । ବେଲ୍ଟ(BELT) ଆଗରେ ଫକା ପଡିଲା ରକ୍ତ ସମ୍ପର୍କ । ବଡ ଭାଇକୁ ମାରିବାକୁ ପଛାଇଲାନି ସାନ ଭାଇ । ଏଭଳି ଏକ ଚାଞ୍ଚଲ୍ୟକର ଘଟଣା ଦେଖିବାକୁ ମିଳିଛି ଝାରସୁଗୁଡା ବ୍ରଜରାଜନଗର ଓରିଏଣ୍ଟ ଥାନା ଅନ୍ତର୍ଗତ ଗୁଆଲାପଡା ବାବାମାଠିଆ ପଡ଼ାରେ । ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଅଟକ ରଖିବା ସହ ଅଧିକ ତଦନ୍ତ ଜାରି ରଖିଛି । ମୃତକ ହେଉଛନ୍ତି ସୋମେଶ ଚୌହାନ (୨୨) ।
କ’ଣ ଥିଲା ପୁରା ଘଟଣା....
ସୂଚନା ଅନୁଯାୟୀ ଓରିଏଣ୍ଟ ଥାନା ଅନ୍ତର୍ଗତ ଗୁଆଲାପଡା ବାବାମାଠିଆ ପଡ଼ାରେ ରୁହନ୍ତି ସୋମେଶଙ୍କ ପରିବାର । ସୋମେଶଙ୍କ ଏକ ପୁତ୍ର ସନ୍ତାନ ହୋଇଥିବାରୁ ସେ ମେଡିକାଲରୁ ଶୁକ୍ରବାର ସନ୍ଧ୍ୟାରେ ଘରେ ପହଞ୍ଚି ଥିଲେ । ଆଉ ସାନଭାଇର ଉମେଶର ବେଲ୍ଟଟି ପିନ୍ଧି ଥିଲେ । ଏ ଘଟଣାକୁ ନେଇ ଉଭୟଙ୍କ ମଧ୍ୟରେ ଆରମ୍ଭ ହୋଇଥିଲା ବଚସା । ଏଥିରେ ଉତ୍ୟକ୍ତ ହୋଇପଡିଥିଲେ ଉମେଶ । ବଡ ଭାଇକୁ ଛୁରୀରେ ଆକ୍ରମଣ କରିଥିଲେ । ଏ ସମୟରେ ପରିବାର ଲୋକେ ଉମେଶକୁ ଅଟକାଇବାକୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ । ଗୁରୁତର ଅବସ୍ଥାରେ ଚଟାଣରେ ପଡିଥିବା ସୋମେଶଙ୍କୁ ମେଡିକାଲ ନେବା ପାଇଁ ପରିବାର ଲୋକେ ବିଳମ୍ବ କରିଥିଲେ । ମେଡିକାଲ ନେବା ବେଳକୁ ତାର ମୃତ୍ୟୁ ଘଟିଥିଲା । ବ୍ୟବଚ୍ଛେଦ ପରେ ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି ।