ଝାରସୁଗୁଡା: ଇଣ୍ଡିଆ ବୁକ ଅଫ ରେକର୍ଡରେ ଝାରସୁଗୁଡା କୁନି ଝିଅର ସଫଳତା । ଏଥିପାଇଁ ସେ ଓ ତାଙ୍କ ପରିବାର ଲୋକେ ବେଶ ଉତ୍ସାହିତ । ଚେଷ୍ଟା, ପରିଶ୍ରମ ଏବଂ ପ୍ରଶିକ୍ଷଣ ଦ୍ବାରା ସବୁ ସମ୍ଭବ ହୋଇପାରିବ। ଏହି କଥାକୁ ପ୍ରମାଣିତ କରି ଦେଖାଇଛନ୍ତି ଝାରସୁଗୁଡାର କୁନି ଝିଅ ଦୀପ୍ତି ଶର୍ମା।
ଆଖିରେ କଳା କପଡା ବାନ୍ଧି A ରୁ Z ଟାଇପ କରି ଇଣ୍ଡିଆ ବୁକ ଅଫ ରେକର୍ଡ କଲେ ଦୀପ୍ତି ତୃତୀୟ ଶ୍ରେଣୀରେ ପାଠ ପଢ଼ୁଥିବା ଦୀପ୍ତି ଆଖିରେ କଳା କପଡା ବାନ୍ଧି ମାତ୍ର ୩.୫୪ ସେକେଣ୍ଡରେ A ରୁ Z ପର୍ଯ୍ୟନ୍ତ ଟାଇପ କରି ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଛନ୍ତି । ଆଗକୁ ଗିନିଜ ବୁକ ଓଫ ରେକର୍ଡରେ ସ୍ଥାନ ପାଇବା ପାଇଁ ପରିଶ୍ରମ ଜାରି ରଖିଛନ୍ତି ।
ଦୀପ୍ତିଙ୍କ ବାପା ମା' ସହରର ମଙ୍ଗଲବଜାର ଅଞ୍ଚଳରେ ରହୁଛନ୍ତି। ବର୍ତ୍ତମାନ ଦୀପ୍ତି ଝାରସୁଗୁଡା ସହରରେ ଥିବା ମାଇ କିଡ୍ଜ ସ୍କୁଲରେ 3ୟ ଶ୍ରେଣୀରେ ପାଠ ପଢୁଛନ୍ତି । ଏହି ଛାତ୍ରୀଙ୍କ ପାଖରେ ରହିଛି ଅଲୌକିକ କଳା। ଆଖିରେ ପଟି ବାନ୍ଧି କମ୍ପ୍ୟୁଟରରେ ଟାଇପ ଅତିସହଜରେ କରିପାରନ୍ତି। ଗତ ଅଗଷ୍ଟ 3ତାରିଖରେ ଇଂରାଜୀ ଆଲଫାବେଟ A ରୁ Z ପର୍ଯ୍ୟନ୍ତ ମାତ୍ର ୩.୫୪ ସେକେଣ୍ଡରେ ଟାଇପ କରି ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଛନ୍ତି ।
ଦିପ୍ତୀ ଏନେଇ ତାଲିମ ନେଇ ନଥିବା ବେଳେ କେବଳ ନିଜର ଗୁରୁଜନ ଓ ବାପା ମା'ଙ୍କ ପ୍ରେରଣା ପାଇଁ ସଫଳତା ପାଇଛନ୍ତି ବୋଲି କହିଛନ୍ତି । ଦୃଢ ଇଚ୍ଛାଶକ୍ତି ଓ ମନୋବଳ ପାଇଁ ଏଭଳି ଅସମ୍ଭବ କାର୍ଯ୍ୟ ସମ୍ଭବ କରିପାରୁଥିବା କହିଛନ୍ତି ମାଇ କିଡ୍ଜର ପ୍ରିନ୍ସିପାଲ ବିକାଶ କେଡିଆ । ଆଗକୁ ଦୀପ୍ତି କିଭଳି ଗିନିଜ ବୁକ ଅଫ ରେକର୍ଡରେ ସ୍ଥାନ ପାଇବ ସେନେଇ ପ୍ରୟାସ ଜାରି ରହିଥିବା କହିଛନ୍ତି । ଅନ୍ୟପଟେ ଦିପ୍ତୀଙ୍କୁ ଜଣେ ବିସ୍ମୟ ବାଳିକା କହିବା ସହ ତାଙ୍କ ଉଜ୍ଜଳ ଭବିଷ୍ୟତ କାମନା କରିଛନ୍ତି ।
ଝାରସୁଗୁଡାରୁ ରବି ନାରୟାଣ ସାହୁ, ଇଟିଭି ଭାରତ
