ଝାରସୁଗୁଡା: ମହିଳାଙ୍କୁ ଗୁଳିକରି ହତ୍ୟା ମାମଲାରେ ଝାରସୁଗୁଡା ପୋଲିସକୁ ବଡ଼ ସଫଳତା । ଛଅ ଘଣ୍ଟା ମଧ୍ୟରେ ଅଭିଯୁକ୍ତ ଗୋପାଳ ଯାଦବକୁ ସୁନ୍ଦରଗଡରୁ ଗିରଫ କରିଛି ପୋଲିସ । ଦୁଇଟି ବନ୍ଧୁକ ସହ 8ଟି ଗୁଳି ଜବତ ହୋଇଛି । ଏକ ସାମ୍ବାଦିକ ସମ୍ମିଳନୀରେ ଉତ୍ତରାଞ୍ଚଳ ଡିଆଇଜି ହିମାଂଶୁ ଲାଲ ଏହି ସୂଚନା ଦେଇଛନ୍ତି ।
ଭିଡିଓ ସୌଜନ୍ୟ : ପ୍ରତିନିଧି,ଝାରସୁଗୁଡା
ସୂଚନାଯୋଗ୍ୟ ଝାରସୁଗୁଡ଼ା ଥାନା ଅନ୍ତର୍ଗତ ସାରସମାଲ ରୋହିଦାସ ପଡ଼ାରେ ମଙ୍ଗଳବାର ବିଳମ୍ବିତ ରାତିରେ କେହି ଦୁର୍ବୃତ୍ତ ଜଣେ ମହିଳାଙ୍କୁ ଗୁଳିକରି ହତ୍ୟା କରିଥିବା ଅଭିଯୋଗ ହୋଇଥିଲା। ମୃତ ମହିଳା ଜଣକ ଥିଲେ କନକଲତା ରୋହିଦାସ। ଖବର ପାଇ ଝାରସୁଗୁଡା ଏସପି ଅଶ୍ବିନୀ କୁମାର ମହାନ୍ତି, ଏସ୍ଡିପିଓ କୈଳାସ ଆଚାର୍ଯ୍ୟ, ଆଇଆଇସି ସାବିତ୍ରୀ ବଳ ସନ୍ଧାନୀ କୁକୁର ଓ ଏକ ସାଇଣ୍ଟିଫିକ ଟିମ ସହ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ।