ଝାରସୁଗୁଡ଼ା: ଏକାତାଲି ଅଞ୍ଚଳରେ ଘଟିଛି ଅଘଟଣ। ସେହି ଅଞ୍ଚଳର ଏକ ଭଡ଼ା ଘରେ ଫ୍ୟାନରେ ଜଣେ ମହିଳା ବେକରେ ଓଢ଼ଣୀ ଲଗାଇ ଆତ୍ମହତ୍ୟା କରିଥିବା ଦେଖିବାକୁ ମିଳିଛି। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ତଦନ୍ତ ଜାରି ରଖିଛି।
ବେକରେ ଓଢ଼ଣୀ ଲଗାଇ ମହିଳାଙ୍କ ଆତ୍ମହତ୍ୟା, ସ୍ବାମୀ ଅଟକ
ଝାରସୁଗୁଡା ସହର ଏକାତାଲି ଅଞ୍ଚଳର ଏକ ଭଡ଼ା ଘରେ କିଛି ବର୍ଷ ହେବ ସ୍ବାମୀ, ସ୍ତ୍ରୀ ଏବଂ ତାଙ୍କର ଏକ ଛୋଟ ଛୁଆ ରହୁଥିଲେ। ସେମାନେ ଆନ୍ଧ୍ରପ୍ରଦେଶର ଶିକାକୁଳମ ଅଞ୍ଚଳର ମୂଳନିବାସୀ ହୋଇଥିବାବେଳେ ମହିଳାଙ୍କ ସ୍ବାମୀ ରେଳବାଇରେ ଠିକାଦାର ଭାବେ କାର୍ଯ୍ୟ କରୁଥିବା ଜଣାପଡ଼ିଛି। ଘଟଣାସ୍ଥଳରେ ମହିଳାଙ୍କ ପରିବାର ଲୋକେ ମୃତଦେହ ଚିହ୍ନଟ କରିବା ପରେ ଏହା ଏକ ହତ୍ୟାକାଣ୍ଡ ବୋଲି ଅଭିଯୋଗ କରିଛନ୍ତି।