ଝାରସଗୁଡା: ଗତ ପାଞ୍ଚଦିନ ହେବ ଛତିଶଗଡରେ ଲାଗି ରହିଛି ବର୍ଷା । ଯାହା ଓଡିଶା ପାଇଁ ଏବେ ବିପଦ ଆଣିଛି । ଛତିଶଗଡରେ ଲଗାଣ ବର୍ଷା ଯୋଗୁଁ ମହାନଦୀର ଜଳସ୍ତର ବୃଦ୍ଧି ପାଇଛି । ଏନେଇ ଛତିଶଗଡ ପ୍ରଶାସନ ସତର୍କ ସୂଚନା ଜାରି କରିଛି । ବନ୍ୟାଜଳ ପ୍ରବେଶ କରିବା ପୂର୍ବରୁ ସମସ୍ତ ଲୋକଙ୍କୁ ଅନ୍ୟତ୍ର ସ୍ଥାନାନ୍ତର କରିବାକୁ ପ୍ରକ୍ରିୟା ଶେଷ ହୋଇଛି ।
ଓଡ଼ିଶା ଛତିଶଗଡ଼ ସିମାନ୍ତ ଅଞ୍ଚଳରେ ବନ୍ୟା ସ୍ଥିତି
ସେପଟେ ନିୟମିତ ଭାବେ ମହାନଦୀରେ ଜଳପତ୍ତନ ବୃଦ୍ଧି ପାଉଥିବା ଯୋଗୁଁ କଲମା ବ୍ୟାରେଜର ସମସ୍ତ 66ଟି ଫାଟକକୁ ଖୋଲି ଦେଇଛି ଛତିଶଗଡ଼ । ବର୍ତ୍ତମାନ ମଧ୍ୟ ସେଠାରେ ବର୍ଷା ଲାଗି ରହିଥିବା କାରଣରୁ ସୀମାବର୍ତ୍ତୀ ଝାରସୁଗୁଡା ଜିଲ୍ଲାର 19 ଖଣ୍ଡ ମୌଜାର ଶରଧା, ଚିକିଲି, ମହୁଦି,ସୁଖାଶୋଡା, ଶିମିଳିଆ ଅଞ୍ଚଳରେ ରବିବାର ସନ୍ଧ୍ୟା ସୁଦ୍ଧା ହୀରାକୁଦର ପଛୁଆ ପାଣି ପ୍ରଵେଶ କରିବା ଆଶଙ୍କା କରିଛନ୍ତି ସ୍ଥାନୀୟ ଲୋକେ । ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ଅଞ୍ଚଳରେ ବନ୍ୟା ଆଶ୍ରୟ ସ୍ଥଳୀ ସହ ଖାଦ୍ୟପେୟର ପ୍ରସ୍ତୁତ କରି ରଖାଯାଇଛି ।