ଝାରସୁଗୁଡା: ଅଦିନିଆ ଝଡ ତୋଫାନରେ ଜିଲ୍ଲାରେ ବିଭିନ୍ନ ସ୍ଥାନରେ ବ୍ୟାପକ କ୍ଷୟକ୍ଷତି କରିଛି ବର୍ଷା। ସହରର ଅନେକ ସ୍ଥାନରେ ବଡବଡ ଗଛ ଉପୁଡି ପଡିବା ସହିତ ରାସ୍ତା ଅବରୋଧ ହୋଇଥିଲା । ସେପଟେ ଗ୍ରାମାଞ୍ଚଳରେ ମଧ୍ୟ ଦେଖିବାକୁ ମିଳିଛି ସମାନ ସ୍ଥିତି। ଝଡ଼ ତୋଫାନ ଯୋଗୁଁ ରାସ୍ତା ଉପରେ ବଡ଼ବଡ଼ ଗଛ ସହ ବିଜୁଳି ଖୁଣ୍ଟ ପଡ଼ିଥିବାରୁ ଜିଲ୍ଲାର କିଛି ଅଞ୍ଚଳରେ ଲୋକେ ପ୍ରଭାବିତ ହୋଇଛନ୍ତି ।
ଅଦିନିଆ ବର୍ଷା ଓ କୁଆପଥର ମାଡରେ ବେହାଲ ଝାରସୁଗୁଡା
ଅନ୍ୟପଟେ ଝାରସୁଗୁଡା ସହରକୁ ସଂଯୋଗ କରୁଥିବା ବିଭିନ୍ନ ରାସ୍ତାରେ ବିଶାଳ ଗଛ ଉପୁଡି ପଡ଼ିବାରୁ ଦୀର୍ଘ ସମୟ ପର୍ଯ୍ୟନ୍ତ ରାସ୍ତା ଅବରୋଧ ହୋଇ ରହିଥିଲା । ଅଗ୍ନିଶମ ବିଭାଗ ଏବଂ ପୌର କର୍ମଚାରୀ ଗଛ କାଟି ରାସ୍ତା ସଫା କରିବା ପରେ ପରିସ୍ଥିତି ସାମାନ୍ୟ ସୁଧୁରିଥିଲା ।