ଝାରସୁଗୁଡ଼ା:କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ସୋମବାର ଠାରୁ ଝାରସୁଗୁଡା ଗସ୍ତରେ ରହିଛନ୍ତି । ଅଶ୍ବିନୀଙ୍କ ଏହି ୨ ଦିନିଆ ଗସ୍ତରେ ସେ ଆଜି(ମଙ୍ଗଳବାର) ସକାଳୁ ସହର ଉପକଣ୍ଠରେ ଥିବା ସର୍ବପୁରାତନ ପୋଷ୍ଟ ଅଫିସ ଓ ରେଳ ଷ୍ଟେସନ ବୁଲି ଏହାର ସ୍ଥିତି ସମୀକ୍ଷା କରିଛନ୍ତି ।
ଅଶ୍ବିନୀଙ୍କ ଝାରସୁଗୁଡା ଗସ୍ତ; ରେଳ ଷ୍ଟେସନ, ପୋଷ୍ଟଅଫିସର କଲେ ସମୀକ୍ଷା
୧୮୮୨ ମସିହାରେ ନିର୍ମିତ ହୋଇଥିବା ସେହି ପୋଷ୍ଟ ଅଫିସକୁ ଆଗାମୀ ଦିନରେ ରେଳ ବିଭାଗ ଓ ଡାକ ବିଭାଗ ଦ୍ଵାରା ମରାମତି ସହ ରକ୍ଷଣାବେକ୍ଷଣ କରାଯିବ ବୋଲି ରେଳମନ୍ତ୍ରୀ ଅଶ୍ବିନୀ ବୈଷ୍ଣବ କହିଛନ୍ତି । ଏହା ସହ ରେଳ ଷ୍ଟେସନରେ ଥିବା ଏକ ଚା' ଷ୍ଟଲରୁ ଚା' ପିଇଥିଲେ ରେଳମନ୍ତ୍ରୀ । ରେଳ ଷ୍ଟେସନ ପରିଦର୍ଶନ ପରେ ମନ୍ତ୍ରୀ କହିଛନ୍ତି ଯେ ଭାରତୀୟ ରେଳ ବିଭାଗର ମହତ୍ତ୍ବପୂର୍ଣ୍ଣ ସ୍ଥାନ ହେଉଛି ଝାରସୁଗୁଡା । ଏହି ସ୍ଥାନରେ ୩ଟି ଡିଭିଜନର ଜଙ୍କସନ ରହିଛି । ଏଣୁ ଏହି ସ୍ଥାନରେ ଭବିଷ୍ୟତରେ ଉନ୍ନତିମୂଳକ କାର୍ଯ୍ୟ କରିବାର ରହିଛି ।