ରାସ୍ତାରେ ଜଳିଗଲା ଟ୍ରକ, ବର୍ତ୍ତିଲେ ଡ୍ରାଇଭର

ରାସ୍ତାରେ ଛିଡା ହୋଇଥିବା ଏକ ଟ୍ରକ ଅଚାନକ ଜଳିବାକୁ ଲାଗିଥିଲା । ଗାଡିରେ ନଥିବାରୁ ବର୍ତ୍ତି ଯାଇଥିଲେ ଡ୍ରାଇଭର । ପଢନ୍ତୁ ସମ୍ପୂର୍ଣ୍ଣ ରିପୋର୍ଟ...

ଝାରସୁଗୁଡା: ରାସ୍ତା ମଝିରେ ହୁତୁହୁତୁ ହୋଇ ଜଳିଲା ଟ୍ରକ । ଝାରସୁଗୁଡା ବନ୍ଧବାହାଲର କୁଦୋପାଲି ଛକରେ ଛିଡା ହୋଇଥିବା ଏକ ଟ୍ରକଟି ହଠାତ୍ ଜଳିବାକୁ ଲାଗିଥିଲା । ଟ୍ରକଟି ସମ୍ପୂର୍ଣ୍ଣ ଜଳି ଯାଇଥିବା ବେଳେ ଏଥିରୁ ବର୍ତ୍ତି ଯାଇଛନ୍ତି ଚାଳକ ।

ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଟ୍ରକଟିରେ ନିଆଁ ଲାଗିଯାଇଥିବା କାରଣରୁ କିଛି ସମୟ ଧରି ରାସ୍ତାରେ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଥିଲା । ତେବେ ନିଆଁକୁ ଆୟତ୍ତ କରାଯିବା ପରେ ଗାଡି ଚଳାଚଳ ସ୍ବାଭାବିକ ହୋଇଥିଲା । ତେବେ ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇ ନଥିଲେ ମଧ୍ୟ ସର୍ଟସର୍କିଟ ଯୋଗୁଁ ଟ୍ରକରେ ନିଆଁ ଲାଗିଥିବା ଅନୁମାନ କରାଯାଉଛି ।

ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ