ଝାରସୁଗୁଡା:ଲକଡାଉନରେ ପରିବା ବିକୁଥିବା ଜଣେ ବ୍ୟବସାୟୀଙ୍କୁ ରାସ୍ତା ଉପରେ ମାଡ ମାରିଲେ ତହସିଲଦାର । ତହସିଲଦାର ମାଡ ମାରୁଥିବା ଏକ ଭିଡିଓ ଭାଇରାଲ ହେବାରେ ଲାଗିଛି । ଏହି ମହିଳା ଅଧିକାରୀ ଜଣଙ୍କ ହେଉଛନ୍ତି ଝାରସୁଗୁଡ଼ା ଜିଲ୍ଲାରେ କାର୍ଯ୍ୟରତ ଅତିରିକ୍ତ ତହସିଲଦାର ଯୋଗୀତା ତିର୍କୀ । ମହିଳା ଅଧିକାରୀ ଜଣକ କୋଭିଡ ସମୟରେ ମାଜିଷ୍ଟ୍ରେଟ ଦାୟିତ୍ବରେ ଥିବା ଜଣାପଡିଛି ।
ବୃଦ୍ଧ ପରିବା ବିକାଳୀଙ୍କୁ ମହିଳା ତହସିଲଦାରଙ୍କ ମାଡ, ଭିଡିଓ ଭାଇରାଲ
ସମ୍ପୂର୍ଣ୍ଣ ଘଟଣାକ୍ରମ ଅନୁସାରେ କୋଭିଡ ଲକଡାଉନ ସମୟରେ ଜିଲ୍ଲାରେ 11ଟା ପରେ ଦୋକାନ ବଜାର ବନ୍ଦ ହେବା ପରେ ରାସ୍ତା ଉପରେ ଜଣେ ପରିବା ବିକାଳୀ ବସିଥିବା ଦେଖିବାକୁ ପାଇଥିଲେ ତହସିଲଦାର । ତେବେ ଏହା ଦେଖି ସେ ଉତ୍ୟକ୍ତ ହୋଇ ପଡିବା ସହ ଗାଡିରୁ ଓହ୍ଲାଇ ଗାଡ଼ିରେ ରଖିଥିବା ବାଡି ନିଜ ହାତରେ ଧରି ରାସ୍ତା ପାର କରି ଗାଉଁଲି ପରିବା ବିକାଳୀ ନିକଟରେ ପହଞ୍ଚି ସିଧା ମାଡ ଆରମ୍ଭ କରିଥିଲେ ।