ଝାରସୁଗୁଡ଼ା: ରାଜ୍ୟରେ ଏବେ ଦ୍ରୃତ ଗତିରେ ବଢିବାରେ ଲାଗିଛି କୋରୋନା ସଂକ୍ରମଣ । ଏନେଇ ଚିନ୍ତାରେ ସରକାର । ଏପଟେ ଝାରସୁଗୁଡ଼ାରେ ବର୍ଦ୍ଧିତ କୋରୋନା ସଂକ୍ରମଣକୁ ଦୃଷ୍ଟିରେ ରଖି ଝାରସୁଗୁଡା ସହର ସମେତ ଜିଲ୍ଲାର ପ୍ରମୁଖ ସହର ବ୍ରଜରାଜନଗର ଓ ବେଲପାହାଡ଼କୁ ସପ୍ତାହ ପର୍ଯ୍ୟନ୍ତ ସଟଡାଉନ କରିବା ପାଇଁ ନିଷ୍ପତ୍ତି ନେଇଛି ଝାରସୁଗୁଡ଼ା ବ୍ୟବସାୟୀ ସଂଘ ।
କୋରୋନା ଚେନ ଭାଙ୍ଗିବାକୁ ଝାରସୁଗୁଡ଼ାରେ ସପ୍ତାହ ପାଇଁ ସଟଡାଉନ
ଝାରସୁଗୁଡା ଜିଲ୍ଲାରେ ଗତ ଦୁଇ ସପ୍ତାହ ମଧ୍ୟରେ ପ୍ରତିଦିନ ଶତାଧିକ କୋରୋନା ଆକ୍ରାନ୍ତ ଚିହ୍ନଟ ହୋବା ସହ ବର୍ତ୍ତମାନ ତାହା 4 ହଜାରକୁ ଛୁଇଁଛି । ଆଗକୁ ଏହି ସଂଖ୍ୟା ଆହୁରି ବଢିବାର ସମ୍ଭାବନା ଥିବାରୁ କୋରୋନା ଚେନ ଭାଙ୍ଗିବା ପାଇଁ ଆସନ୍ତା ଅକ୍ଟୋବର 2 ତାରିଖ ପର୍ଯ୍ୟନ୍ତ ସାତଦିନ ପାଇଁ ସମସ୍ତ ଦୋକାନ ବଜାର ବନ୍ଦ ରଖିବାକୁ ଚ୍ୟାମ୍ବର ଅଫ କମର୍ସ ପକ୍ଷରୁ ନିଷ୍ପତ୍ତି ନିଆଯାଇଛି ।