ଭୋଟ ଗଣତି ପାଇଁ ଝାରସୁଗୁଡ଼ାରେ ବ୍ୟାପକ ପ୍ରସ୍ତୁତି

କିଛି ମୂହୁର୍ତ୍ତ ପରେ ଆରମ୍ଭ ହୋଇଯିବ ଭୋଟ ଗଣତି । ଝାରସୁଗୁଡା ଓ ବ୍ରଜରାଜନଗର ବିଧାନସଭା କ୍ଷେତ୍ର ପାଇଁ ଝାରସୁଗୁଡା ଇଞ୍ଜିନିୟରିଂ ସ୍କୁଲରେ ସକାଳ ୮ଟାରେ ଆରମ୍ଭ ହେବ ଭୋଟ ଗଣତି । ସୁରୁଖୁରୁରେ ଭୋଟ ଗଣତି ନେଇ ଚୁଡାନ୍ତ ପ୍ରସ୍ତୁତି ଶେଷ ହୋଇଛି ।

ଝାରସୁଗୁଡ଼ା: ରାତି ପାହିଲେ ଆରମ୍ଭ ହେବ ଭୋଟ ଗଣତି । ସକାଳ ୮ଟାରୁ ରାଜ୍ୟର ୬୩ଟି କେନ୍ଦ୍ରରେ ଆରମ୍ଭ ହେବ ମତଗଣନା । ଗୁରୁବାର ଆସିବାକୁ ଯାଉଛି ୨୦୧୯ ନିର୍ବାଚନର ଫଳାଫଳ । ସୁରୁଖୁରୁରେ ଭୋଟ ଗଣତି ନେଇ ଚୁଡାନ୍ତ ପ୍ରସ୍ତୁତି ଶେଷ ହୋଇଛି ।

ଝାରସୁଗୁଡା ଓ ବ୍ରଜରାଜନଗର ବିଧାନସଭା କ୍ଷେତ୍ର ପାଇଁ ଝାରସୁଗୁଡା ଇଞ୍ଜିନିୟରିଂ ସ୍କୁଲରେ ସକାଳ ୮ଟାରେ ଆରମ୍ଭ ହେବ ଭୋଟ ଗଣତି । ଏଥିପାଇଁ ପୋଲିସ ପକ୍ଷରୁ ରହିବ ତ୍ରି-ସ୍ତରୀୟ ସୁରକ୍ଷା ବ୍ୟବସ୍ଥା । ଝାରସୁଗୁଡାରେ ସୁରୁଖୁରୁରେ ଭୋଟଗଣତି କରିବା ପାଇଁ କଡାକଡି ସୁରକ୍ଷା ବନ୍ଦୋବସ୍ତ କରାଯାଇଥିବା କହିଛନ୍ତି ଝାରସୁଗୁଡା ଏସପି ଅଶ୍ୱିନୀ କୁମାର ମହାନ୍ତି ।

ଝାରସୁଗୁଡ଼ାରୁ ରବି ନାରାୟଣ ସାହୁ, ଇଟିଭି ଭାରତ