ଅଟୋକୁ ପଛରୁ ପିଟିଲା ଟ୍ରଲର: ଜଣେ ମୃତ, 4 ଆହତ

ଲଖନପୁର ଥାନା ଭଆଁରଖୋଲ ଛକ ନିକଟରେ ଅଟୋକୁ ଧକ୍କା ଦେଲା ଟ୍ରଲର l ଘଟଣାସ୍ଥଳରେ ଜଣେ ମୃତ, 4 ଆହତ । ଅଧିକ ପଢନ୍ତୁ

ଝାରସୁଗୁଡା: ଲଖନପୁର ଥାନା ଭଆଁରଖୋଲ ଛକ ନିକଟରେ ଅଟୋକୁ ଧକ୍କା ଦେଲା ଟ୍ରଲର l ଘଟଣାସ୍ଥଳରେ ଜଣେ ମୃତ, 4 ଆହତ । ସୂଚନାପାଇ ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିଥିବା ବେଳେ ଆହତଙ୍କୁ ଆମ୍ବୁଲାନ୍ସ ଯୋଗେ ଜିଲ୍ଲା ହସ୍ପିଟାଲକୁ ପଠାଇଛି l

ତେବେ ଛତିଶଗଡ଼କୁ ଏକ ସାମାଜିକ କାର୍ଯ୍ୟରେ ଯୋଗ ଦେବା ପାଇଁ ଲହଣ୍ଡାବୁଡ଼ ଗ୍ରାମରୁ ଯାଉଥିବା ବେଳେ ଭଆଁରଖୋଲ ନିକଟରେ ଦୁର୍ଘଟଣା ହୋଇଥିଲା । ଘଟଣାସ୍ଥଳରୁ ଟ୍ରଲର ଡ୍ରାଇଭର ଫେରାର ହୋଇଯାଇଥିବା ବେଳେ ତଦନ୍ତ ଜାରି ରଖିଛି ପୋଲିସ । ଗୁରୁତର ଦୁଇ ଜଣଙ୍କୁ ବୁର୍ଲା ସ୍ଥାନାନ୍ତର କରାଯାଇଛି l ଏପଟେ ଜାତୀୟ ରାଜପଥ 49 କୁ ଅବରୋଧ କରିଛନ୍ତି ସ୍ଥାନୀୟ ଲୋକେ l

ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ