Election Poll: ଝାରସୁଗୁଡ଼ା ବ୍ଲକ କାର୍ଯ୍ୟାଳୟରେ ସମୀକ୍ଷା ବୈଠକ ଅନୁଷ୍ଠିତ

ଆଜି(ଶନିବାର) ଝାରସୁଗୁଡ଼ା ବ୍ଳକ କାର୍ଯ୍ୟାଳୟ ଠାରେ ସମିତି ସଭ୍ୟ ଓ ସରପଞ୍ଚ ପ୍ରାର୍ଥୀମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି । ଅଧିକ ପଢନ୍ତୁ

ଝାରସୁଗୁଡ଼ା: ଆଜି(ଶନିବାର) ଝାରସୁଗୁଡ଼ା ବ୍ଲକ କାର୍ଯ୍ୟାଳୟଠାରେ ସମିତି ସଭ୍ୟ ଓ ସରପଞ୍ଚ ପ୍ରାର୍ଥୀମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ଝାରସୁଗୁଡ଼ା ବିଡ଼ିଓ ପ୍ରସନ୍ନ କୁମାର ପାଣ୍ଡେଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ଏହି ବୈଠକରେ ଆଚରଣ ବିଧି ଉଲଙ୍ଘନ ନକରି କିପରି ନିର୍ବାଚନ ହେବ ସେନେଇ ବିଷଦ ଆଲୋଚନା ହୋଇଥିଲା ।

ଏହି ବୈଠକରେ କେମିତି ପ୍ରାର୍ଥୀମାନେ ପ୍ରଚାର କରିବେ, ନିର୍ବାଚନରେ କେତେ ଟଙ୍କାର ଖର୍ଚ୍ଚ କରିବେ, କୋଭିଡ ନିୟମାବଳୀ ଅନୁଯାଇ ପ୍ରଚାର ମଇଦାନକୁ ଓହ୍ଲାଇବେ ଆଦି ପ୍ରସଙ୍ଗ ଉପରେ ଆଲୋଚନା ହୋଇଥିଲା । ଯଦି କୌଣସି ପ୍ରାର୍ଥୀ ଏହି ନିୟମର ଖିଲାପ କରନ୍ତି ତେବେ ସେହି ପ୍ରାର୍ଥୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବୈଠକରେ ବିଡ଼ିଓ କହିଥିଲେ ।

ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ