ଝାରସୁଗୁଡା: ସହରରେ ବିରଳ ପ୍ରଜାତିର ନାଗ ସାପ ଉଦ୍ଧାର କଲା ସ୍ନେକ ହେଲ୍ପଳାଇନର ସଦସ୍ୟ । ସରବାହଲ ନିକଟରେ ପ୍ରାୟ 4 ଫୁଟ ଲମ୍ବର ଏକ ଧଳା ସାପକୁ ଦେଖି ସ୍ଥାନୀୟ ଲୋକେ ଭୟଭୀତ ହୋଇଯାଇଥିଲେ ଏନେଇ ସ୍ନେକ ହେଲ୍ପଲାଇନକୁ ଖବର ଦିଆଯାଇଥିଲା । ଖବରପାଇ ହେଲ୍ପଲାଇନ ପ୍ରତିନିଧି ଆସି ସାପ ଉଦ୍ଧାର କରିଥିଲେ।
ଏହି ସାପକୁ ଉଦ୍ଧାର କରିବା ପରେ ଏହା ବିରଳ ପ୍ରଜାତିର ଓ ସମଗ୍ର ଭାରତରେ ଖୁବ କମ ସଂଖ୍ୟକ ସାପ ଦେଖାଯାଏ ବୋଲି କହିଛନ୍ତି । ସେ ପ୍ରଥମ ଥର ପାଇଁ ଏଭଳି ଏକ ନାଗ ସାପ ଉଦ୍ଧାର କରିଥିବାରୁ ଜଙ୍ଗଲରେ ନ ଛାଡି ବନ ବିଭାଗକୁ ହସ୍ତାନ୍ତର କରିବେ ବୋଲି କହିଛନ୍ତି। ଉଦ୍ଧାର ପରେ ଏହି ବିରଳ ପ୍ରଜାତିର ନାଗ ସାପକୁ ଦେଖିବାକୁ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ସାହ ଦେଖାଯାଇଥିଲା।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ