ଝାରସୁଗୁଡା: ବେଦାନ୍ତ କାରଖାନାର ମୁଖ୍ୟ ଫାଟକରେ ଧାରଣାରେ ବସିଲେ କାତିକେଲା ଗ୍ରାମବାସୀ । ବିସ୍ଥାପନ ସମସ୍ୟା ନେଇ ଗ୍ରାମବାସୀ ଫାଟକ ନିକଟରେ ବସିଥିବା ଜଣାପଡିଛି । 4 ବର୍ଷ ହେବ ଆସପଣ୍ଡ ଭୁଶୁଡିବା ଘଟଣାରେ କ୍ଷତିଗ୍ରସ୍ତଙ୍କୁ ଥଇଥାନ କରାଯାଉ ନ ଥିବାରୁ ଧାରଣାରେ ବସିଛନ୍ତି କାତିକେଲା ଗ୍ରାମବାସୀ ।
ବେଦାନ୍ତ କାରଖାନାର ମୁଖ୍ୟ ଫାଟକରେ ଧାରଣା ସୂଚନା ଅନୁଯାୟୀ ୨୦୧୭ ଅଗଷ୍ଟ ୨୮ ତାରିଖ ରାତିରେ କାତିକେଲା ଗ୍ରାମ ନିକଟରେ ଥିବା ଆସପଣ୍ଡ ଭାଙ୍ଗି ଯାଇଥିଲା । ସେହିଦିନ ଠାରୁ ଗ୍ରାମବାସୀ ସମସ୍ତଙ୍କୁ ବିସ୍ଥାପନ କରିବା ସହ ଉଚିତ ପ୍ରାପ୍ୟ ଓ ସ୍ଥାୟୀ ଚାକିରୀ ଦାବି କରିଆସୁଛନ୍ତି । ମାତ୍ର ବହୁଦିନ ଧରି ସମସ୍ୟାର କୌଣସି ସଠିକ ସମାଧାନ ହେଉ ନ ଥିବାବେଳେ ବେଦାନ୍ତ କର୍ତ୍ତୃପକ୍ଷ କିମ୍ବା ଜିଲ୍ଳା ପ୍ରଶାସନ ଏନେଇ କୌଣସି ପଦକ୍ଷେପ ନେଉ ନ ଥିବା ଗ୍ରାମବାସୀ ଅଭିଯୋଗ କରିଆସୁଛନ୍ତି ।
ଫଳରେ ଆଜି(ଗୁରୁବାର) ସକାଳେ ବାଧ୍ୟ ହୋଇ କାତିକେଲା ଗ୍ରାମବାସୀ ବେଦାନ୍ତର ଏକ ନମ୍ବର ଫାଟକ ନିକଟରେ ବିକ୍ଷୋଭ ପ୍ରଦର୍ଶନ କରିଛନ୍ତି । ପ୍ରଶାସନ ପ୍ରତିଶ୍ରୁତି ସତ୍ତ୍ୱେ କାତିକେଲା ଗ୍ରାମର ୩୨୨ ପରିବାରଙ୍କୁ ବିସ୍ଥାପିତ କରାଯାଉ ନ ଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
