ଝାରସୁଗୁଡ଼ା ଉପକାରାଗାରରେ କଏଦୀଙ୍କ ଆତ୍ମହତ୍ୟା

ଝାରସୁଗୁଡ଼ା ଉପକାରାଗାରରେ ଜେଲଦଣ୍ଡ ଭୋଗୁଥିବା କଏଦୀଙ୍କ ଆତ୍ମହତ୍ୟା । ଅଧିକ ପଢ଼ନ୍ତୁ

ଝାରସୁଗୁଡ଼ା:ଜିଲ୍ଲା ଉପକାରାଗାର ଠାରେ କଏଦୀଙ୍କ ଆତ୍ମହତ୍ୟା । କଏଦୀ ଜଣକ ସୁବାଷ ରୋହିଦାସ ହୋଇଥିବା ଜଣାପଡ଼ିଛି । ଦୁଷ୍କର୍ମ ମାମଲାରେ ଜେଲ ଦଣ୍ଡ ଭୋଗୁଥିଲେ ସୁବାଷ । ଏକ ଗଛରୁ ଝୁଲନ୍ତା ଅବସ୍ଥାରେ ତାଙ୍କ ମୃତଦେହ ଉଦ୍ଧାର କରାଯାଇଛି ।

ସୂଚନା ଅନୁଯାୟୀ, ଗୁରୁବାର ଅପରାହ୍ନ 2.20ରେ ଜେଲ ପରିସରରେ ଥିବା ଏକ ଗଛରେ ଗାମୁଛା ଲଗାଇ ଆତ୍ମହତ୍ୟା କରିଛନ୍ତି । ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତକଙ୍କ ଘର ବଡ଼ମାଲ ଥାନା ଅନ୍ତର୍ଗତ ବୃନ୍ଦାମାଲର ହୋଇଥିବା ଜଣାପଡ଼ିଛି । ଗତ 2015 ମସିହାରେ ଏକ ଦୁଷ୍କର୍ମ ମାମଲାରେ ବିଚାର ବିଭାଗୀୟ ଜେଲରେ ଥିଲେ । 27 ଜୁଲାଇ 2022ରେ କୋର୍ଟ ତାଙ୍କୁ 10 ବର୍ଷ ଦଣ୍ଡାଦେଶ ଶୁଣାଇ ଥିଲେ । ତେବେ ମୃତକଙ୍କ ମୃତଦେହ ବ୍ୟବଚ୍ଛେଦ ପରେ ଅଧିକ ତଦନ୍ତ କରାଯିବ ବୋଲି ଜେଲ କର୍ତ୍ତୃପକ୍ଷ ତରଫରୁ ସୂଚନା ଦିଆଯାଇଛି।

ଇଟିଭି ଭାରତ, ଝାରସୁଗୁଡ଼ା